റോബി മേക്കര
യു.കെ മലയാളികളുടെ ആഘോഷങ്ങള്‍ക്ക് മികവും കൊഴുപ്പുമേകുവാനായി ചെണ്ട മേള ഗ്രൂപ്പ് ‘റിഥം ഓഫ് ചെല്‍ടണ്‍ഹാം’ ഇക്കൊല്ലവും ഒരുങ്ങിക്കഴിഞ്ഞു.2010-ല്‍ ഗ്ലോസ്റ്റര്‍ഷയറിലുള്ള ചെല്‍ട്ടന്‍ഹാം ആസ്ഥാനമായി, ചിട്ടയാര്‍ന്ന താള ബോധവും, അര്‍പ്പണമനോഭാവവും മാത്രം കൈമുതലാക്കിക്കൊണ്ട് ആറ് ചെറുപ്പക്കാരുടെ കൂട്ടായ്മയില്‍ നിന്നും ഉടലെടുത്ത ‘ റിഥം ഓഫ് ചെല്‍ട്ടണ്‍ ഹാമിന്’ വന്‍ വരവേല്‍പ്പാണ് 2010ല്‍ ലഭിച്ചത്.
ഇവര്‍ ചെണ്ടയില്‍ തീര്‍ത്ത താളത്തിന്റെ പെരുമഴ സ്വദേശീയരെയും പുളകമണിയിച്ചു എന്നതിന് തെളിവാണ് മെയ് 15ാം തീയ്യതി നടക്കാനിരിക്കുന്ന ചെല്‍ട്ടണ്‍ ഹാം മേയര്‍ മെയ്ക്കിംങ്ങ് സെറിമണിയില്‍ റിഥം ഓഫ് ചെല്‍ട്ടണ്‍ഹാമിന്റെ ചെണ്ടമേളം ഉല്‍പ്പെടുത്താന്‍ തീരുമാനിച്ചതിന് പിന്നില്‍. കഴിഞ്ഞ വര്‍ഷത്തെ പരിചയ സമ്പത്തും പോരായ്മകള്‍ നികത്തിക്കൊണ്ടുള്ള പുതിയ താളലയങ്ങളുമായി 2011 ലേക്കുള്ള ബുക്കിങ്ങുകള്‍ ആരംഭിച്ചുകഴിഞ്ഞു.
ഓണം, പെരുന്നാള്‍ സീസണുകളില്‍ പല അസോസിയേഷനുകളുടേയും ആഘോഷങ്ങള്‍ ഒരേ ദിവസം വരാറുണ്ടാകുന്നതിനാല്‍ മുന്‍കൂട്ടി ബുക്ക് ചെയ്യുന്നത് റിഥം ഓഫ് ചെല്‍ട്ടണ്‍ഹാമിന്റെ സാന്നിധ്യം ഉറപ്പുവരുത്തുന്നതിന് പ്രയോജനം ചെയ്യുന്നതാണ്.
കൂടുതല്‍ വിവരങ്ങള്‍ക്കും ബുക്കിങ്ങിനും ബന്ധപ്പെടേണ്ട നമ്പറുകള്‍ 07843020249, 07916350464
07940412562, 07958568405
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല