ഞായറാഴ്ച നടക്കുന്ന യു കെയിലെ സീറോ മലാബാര്‍ രൂപത സ്ഥാപനത്തിനും മെത്രാഭിഷേക ശുശ്രൂഷകളില്‍ മുഖ്യ കാര്‍മികത്വം വഹിക്കുന്നതിനുമായി സീറോ മലബാര്‍ സഭയുടെ പരമാധ്യക്ഷന്‍ കര്‍ദിനാള്‍ മാര്‍ ജോര്‍ജ് ആലഞ്ചേരി പിതാവ് അല്പം മുന്‍പ് മാഞ്ചെസ്റ്റര്‍ എയര്‍പോര്‍ട്ടില്‍ എത്തിച്ചേര്‍ന്നു ,നിയുക്ത മെത്രാന്‍ ജോസഫ് സ്രാമ്പിക്കല്‍ പിതാവിന്റെ നേതൃത്വത്തില്‍ , മാര്‍ സെബാസ്റ്റ്യന്‍ വടക്കേല്‍ ,റെവ,ഫാ, തോമസ് പാറയടി , റെവ .ഫാ, മാത്യു ചൂരപൊയ്കയില്‍ ,റെവ. ഫാ .സജി മലയില്‍ പുത്തന്‍പുര , റെവ . ഫാ. ജിനോ അരീക്കാട്ട് ,റെവ ഫാ. ലോനപ്പന്‍ അരങ്ങാശേരി , ഫാ . മാത്യു മുളയോലില്‍ എന്നിവരും, മാഞ്ചെസ്റ്ററിലെയും ,സമീപ പ്രദേശങ്ങളിലും ഉള്ള സീറോ മലബാര്‍ വിശ്വാസികളും ചേര്‍ന്നാണ് അഭിവന്ദ്യ പിതാവിനെ സ്വീകരിച്ചത് . തുടര്‍ന്ന് കര്‍ദിനാള്‍ പ്രെസ്റ്റണിലേക്കു യാത്ര തിരിച്ചു . നാളെ നടക്കുന്ന സെന്റ് അല്‍ഫോന്‍സാ ദേവാലയം കത്തീഡ്രല്‍ ആയി പുനഃ സമര്‍പ്പണം നടത്തുന്ന പരിപാടിയില്‍ അഭിവന്ദ്യ പിതാവ് പങ്കെടുക്കും , പാലാ രൂപതാധ്യക്ഷന്‍ മാര്‍ ജോസഫ് കല്ലറങ്ങാട്ട് , ചിക്കാഗോ രൂപതാധ്യക്ഷന്‍ മാര്‍ ജേക്കബ് അങ്ങാടിയത്, എന്നിവരും യു കെയില്‍ എത്തിച്ചേര്‍ന്നിട്ടുണ്ട് , മറ്റു പിതാക്കന്മാര്‍ ഇന്ന് എത്തിച്ചേരും , ഞായറാഴ്ച രാവിലെ പന്ത്രണ്ടു മണിക്ക് ജപമാല പ്രാര്‍ഥനയോടെയാണ് തിരുക്കര്‍മ്മങ്ങള്‍ ആരംഭിക്കുന്നത് .
Monday, November 25, 2024 18:10:03 PM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല