എ. പി. രാധാകൃഷ്ണന്‍: ഇന്ന് ലോകം മുഴുവനും ഉള്ള മലയാളികള്‍ നന്മനിറഞ്ഞ ഓര്‍മകളോടെ വിഷു ആഘോഷിക്കുന്നു. ധനധാന്യ സമ്രിദിയോടെ ഭഗവാനെ കണികണ്ടു പുതിയ വര്‍ഷം തുടങ്ങുന്ന ശുഭ മൂഹൂര്‍ത്തം. ഓണം പോലെതന്നെ എല്ലാ മലയാളികളും ആഘോഷിക്കുന്ന ദിവസമാണ് വിഷു.
വിപുലമായ പരിപാടികളോടെ ലണ്ടന്‍ ഹിന്ദു ഐക്യവേദിയും വിഷു ആഘോഷങ്ങള്‍ക്ക് തയാറെടുക്കുന്നു. ഈ മാസം 23 നു ശനിയാഴ്ച വിഷു സദ്യയും വിഷ്ണു സഹസ്രനാമ പാരായണവും ഭജനയുമായി ലണ്ടന്‍ ഹിന്ദു ഐക്യവേദിയുടെ ആഘോഷങ്ങള്‍ പതിവ് വേദിയായ ക്രോയ്ടനിലെ പതിവ് വേദിയായവെസ്റ്റ് ത്രോണ്ടന്‍ കമ്മ്യൂണിറ്റി സെന്റെര്‍ ഇല്‍ വെച്ച് നടത്തപെടും. തികച്ചും സൌജന്യമായ വിഷു സദ്യ ഇത് രണ്ടാം തവണയാണ് ലണ്ടന്‍ ഹിന്ദു ഐക്യവേദി ഭക്തര്‍ക്കായി ഒരുക്കുന്നത്. സത്സംഗത്തില്‍ പങ്കെടുക്കാന്‍ വരുന്ന എല്ലാവര്‍ക്കും വിഷു സദ്യയില്‍ പങ്കെടുക്കാവുന്നതാണ്. വിഷു ആഘോഷങ്ങളുടെ ഭാഗമായി നടക്കുന്ന പരിപാടികളുടെ വിശദ വിവരങ്ങള്‍ വരും ദിവസങ്ങളില്‍ പ്രസിദ്ധികരിക്കാന്‍ ശ്രമിക്കുമെന്ന് സംഘാടകര്‍ അറിയിച്ചു. സമൂഹത്തിലെ എല്ലാ വിഭാഗം ജനങ്ങളും വിഷു ആഘോഷങ്ങളില്‍ പങ്കെടുക്കണമെന്ന് സംഘാടകര്‍ പ്രത്യേകം അഭ്യര്‍ഥിച്ചു
വേദിയുടെ വിലാസം: West Thornton Communtiy Cetnre, 735 London Road, Thornton Heath, Croydon CR7 6AU
കൂടുതല്‍ വിവരങ്ങള്‍ക്ക്
ഫോണ്‍: 07828137478, 07932635935
ഇമെയില്‍: londonhinduaikyavedi@gmail.com
ഫേസ്ബുക്ക്: facebook.com/londonhinduaikyavedi
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല