അലക്‌സ് വര്‍ഗീസ്: മാഞ്ചസ്റ്റ്ര്‍ മലയാളി കള്‍ച്ചറല്‍ അസോസിയേഷന്റെ ആഭിമുഖ്യത്തില്‍ പുതുതായി ആരംഭിക്കുന്ന ഡാന്‍സ് ക്ലാസുകളുടെ ഉദ്ഘാടനം വെള്ളിയാഴ്ച (9/10/2015) വൈകുന്നേരം 5.30 ന്. പ്രശസ്ത നര്‍ത്തകിയും നൃത്താധ്യാപികയും കോറിയോഗ്രാഫറുമായ ശ്രീമതി ജയന്തി ശിവകുമാറാണ് നൃത്തം അഭ്യസിപ്പിക്കുന്നത്. ക്ലാസിക്കല്‍ (ഭരതനാട്യം, ബോളിവുഡ് നൃത്തശൈലികള്‍ പ്രത്യേകമായാണ് പഠിപ്പിക്കുന്നത്.
ലോകപ്രശസ്ത നര്‍ത്തകി വൈജയന്തി മാലബാലിയുടെ ശിഷ്യയായ ജയന്തി ശിവകുമാര്‍ ISTD സിലബസില്‍ കുട്ടികളെ ഗ്രേഡ് പരീക്ഷക്കുവേണ്ടി പ്രത്യേകമായി പരിശീലിപ്പിക്കുന്നു. ചെന്നൈ സ്വദേശിനിയായ ജയന്തി ശിവകുമാര്‍ യുകെയിലെ വിവിധ വിദ്യാലയങ്ങളിലും അസോസിയേഷനുകളിലും മറ്റു സ്ഥാപനങ്ങളിലും 15 വര്‍ഷത്തോളമായി നൃത്തം അഭ്യസിപ്പിച്ചു വരുന്നു.
തേജസ് ഡാന്‍സ് യുകെ എന്ന പേരില്‍ സ്വന്തമായി ഡാന്‍സ് സ്‌കൂളും നടത്തിവരുന്നു. കൂടുതല്‍ വിവരങ്ങള്‍ക്ക് അസോസിയേഷന്‍ ഭാരവാഹികളുമായി ബന്ധപ്പെടാവുന്നതാണെന്ന് സെക്രട്ടറി അലക്‌സ് വര്‍ഗീസ് അറിയിച്ചു. ഡാന്‍സ് ക്ലാസ് ആരംഭിക്കുന്ന ഹാളിന്റെ വിലാസം,
Method: St, Church hall,
Bowland Road,
Baguley,
M23 ILE
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല