സാബു ചുണ്ടക്കാട്ടില്‍: യേശുക്രിസ്തുവിന്റെ വിജയ ശ്രീലാളിതനായുള്ള ജെറുസലേം പട്ടണ പ്രവേശനത്തിന്റെ ഓര്‍മ്മ പുതുക്കാന്‍ മഞ്ചെസ്റ്റെര്‍ മലയാളികള്‍ഒരുങ്ങി. നാളെ വൈകുന്നേരം 5 മുതല്‍ വിഥിന്‍ഷോ സെന്റ് ആന്റണീസ് ദേവാലയത്തില്‍ ആണ് ഓശാന തിരുക്കര്‍മങ്ങല്‍ നടക്കുക. ഷ്രൂഷ്ബറി രൂപതാ സീറോ മലബാര്‍ ചാപ്ലയിന്‍ റവ. ഡോ. ലോനപ്പന്‍ അരങ്ങാശേരി തിരുക്കര്‍മങ്ങളില്‍ മുഖ്യ കര്‍മ്മികനാകും.സെന്റ് ആന്റണീസ് പള്ളിയിലെ മാതാവിന്റെ ഗ്രൊട്ടൊയില്‍ ആണ് ആദ്യ ഘട്ട തിരുക്കര്‍മങ്ങള്‍.കുരുത്തോല വിതരണത്തെ തുടര്‍ന്ന് പ്രദക്ഷിണമായി പള്ളിയില്‍ പ്രവേശിച്ച ശേഷം ദിവ്യബലി നടക്കും.
ദിവ്യ ബലിയെ തുടര്‍ന്ന് ഓള്‍ട്ടര്‍ സര്‍വീസ് കുട്ടികള്‍ ചാരിറ്റി ഫണ്ട് ശേഖരണത്തിന്റെ ഭാഗമായുള്ള ലേലവും,മാതൃ വേദിയുടെ ആഭിമുക്യത്തില്‍ കൊഴുകൊട്ട നേര്‍ച്ച വിതരണവും നടക്കും.
പെസഹാ വ്യാഴാഴ്ച്ച വൈകുന്നേരം നാലു മുതലും, ദുഃഖവെള്ളി തിരുക്കര്‍മ്മങ്ങള്‍ ഉച്ചയ്ക്ക് 12 മുതലും, ഈസ്റ്റര്‍ തിരുക്കര്‍മ്മങ്ങള്‍ ശനിയാഴ്ച രാത്രി 10 മുതലും ആരംഭിക്കും.
വിശുദ്ധവാര തിരുക്കര്‍മ്മങ്ങളില്‍ കുടുംബ സമേദം പങ്കെടുത്ത് ദെവീക കൃപകള്‍ ധാരാളമായി പ്രാപിക്കുവാന്‍ ഏവരെയും ഷ്രൂഷ്ബറി രൂപതാ സീറോ മലബാര്‍ ചാപ്ലയിന്‍ റവ. ഡോ. ലോനപ്പന്‍ അരങ്ങാശേരി സ്വാഗതം ചെയ്യുന്നു.
പള്ളിയുടെ വിലാസം:
St. Antony’s Church
Dunkery Road
Manchester, M22 0WR
Tuesday, November 26, 2024 13:58:20 PM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല