കെന്റ് ഹിന്ദു സമാജത്തിന്റെ ആഭിമുഖ്യത്തില്‍ ഈ വര്‍ഷത്തെ അയ്യപ്പ പൂജ നവംബര്‍ 28 ന് ശനിയാഴ്ച വൈകുന്നേരം 4 മണി മുതല്‍ 10 മണി വരെ, ങലറംമ്യ ഒശിറൗ ങമിറശൃ (361 Canterbury tSreet, Gillingham, Kent, ME7 5XS) ല്‍ വച്ച് ഭക്ത്യാദരപൂര്‍വ്വം നടത്തപ്പെടുന്നു. വിവിധ പൂജകള്‍ക്കും അര്‍ച്ചനകള്‍ക്കും ബ്രിസ്‌റ്റോളില്‍ നിന്നും വരുന്ന ശ്രീ. വെങ്കിടേഷ് സ്വാമികള്‍, മേഡ്വേ ഹിന്ദു മന്ദിറിലെ പ്രധാന പൂജാരി ശ്രീ. കിരിത്കുമാര്‍ ദേവ് എന്നിവര്‍ നേതൃത്വം നല്‍കും. മതമൈത്രിയിലേക്കും മാനവികതയിലേക്കും കൂടിയാണ് ശരണം വിളികളോടെ അയ്യപ്പഭക്തന്മാര്‍ ഇരുമുടിക്കെട്ടോടെ കാനനവാസനെ കാണാന്‍ മല ചവിട്ടിത്തുടങ്ങുന്നത്. കെന്റ് ഹിന്ദു സമാജത്തിന്റെ അയ്യപ്പ പൂജയില്‍ പങ്കെടുത്തു ശ്രീ. ധര്‍മ്മശാസ്താവിന്റെ അനുഗ്രഹാശിസുകളാല്‍ സായുജ്യമടയുവാന്‍ ജാതി, മത, ഭാഷ, വര്‍ണ്ണ സംസ്‌കാര ഭേദമന്യേ ഇംഗ്ലണ്ടിലെ അയ്യപ്പഭക്തരെ സംഘാടകര്‍ ക്ഷണിക്കുന്നു.
അയ്യപ്പ പൂജയിലെ പ്രധാന പരിപാടികള്‍ വിളക്കുപൂജ, ഭജന, മഹാസങ്കല്‍പ്പം, വിഘ്‌നേശ്വര പൂജ, ഭഗവതിപ്പൂജ, ശ്രീ. ധര്‍മ്മശാസ്താ ആവാഹനം, താലപ്പൊലി, അഷ്ടോത്തരാര്‍ച്ചന, വിളക്കുപ്പൂജ, അയ്യപ്പപ്പൂജ, സഹസ്രനാര്‍ച്ചന, ശനി ഭഗവാന് പരിഹാരപ്പൂജ, പടിപൂജ, ദീപാരാധന, ഹരിവരാസനം, അന്നദാനം എന്നിവയാണ്.
കെന്റിലെ ഈ വര്‍ഷത്തെ അയ്യപ്പപ്പൂജ ഭക്തിസാന്ദ്രവും അവിസ്മരണീയവുമാക്കാന്‍ ഇംഗ്ലണ്ടിലെ കലാസാംസ്‌കാരിക രംഗത്ത് സജീവരായ പ്രമുഖ മലയാളികള്‍ ഭജനകള്‍ക്കും മറ്റും നേതൃത്വം നല്‍കുന്നതായിരിക്കും.
വിളക്ക് പൂജയില്‍ പങ്കെടുക്കുവാന്‍ വരുന്ന ഭക്തര്‍ നിലവിളക്ക്, നാളികേരം, പൂജയ്ക്ക് ആവശ്യമായ പൂക്കള്‍ എന്നിവ കൊണ്ട് വരേണ്ടതാണ്. അയ്യപ്പ പൂജക്ക് വരുന്ന എല്ലാ ഭക്തര്‍ക്കും ശനിദോഷപരിഹാര പൂജ ചെയ്യുവാനുള്ള അവസരം ഉണ്ടായിരിക്കുന്നതാണ്.
കൂടുതല്‍ വിവരങ്ങള്‍ക്ക്,
Telephone: 07838170203
EMail: kenthindusamajam@gmail.com
Website: www.kenthindusamajam.org
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല