സക്കറിയ പുത്തന്‍കുളം: ക്‌നാനായ ക്രിസ്റ്റല്‍ ജൂബിലി ഉത്സവത്തിന് ഒരാഴ്ച മാത്രം ; സാബുതോട്ടത്തിന്റെ സന്ദേശം. യൂറോപ്പിലെ ഏറ്റവും വലിയ കത്തോലിക്കാ സമുദായ സംഘടനയായ യുകെ ക്‌നാനായ കാത്തലിക് അസോസിയേഷന്റെ ക്രിസ്റ്റല്‍ ജൂബിലി ആഘോഷങ്ങള്‍ക്ക് ഒരാഴ്ച മാത്രം അവശേഷിക്കേ നാലാമത്തെ പ്രമോ വീഡിയോയും റിലീസായി.യുകെകെസിഎ ട്രഷറര്‍ സാബു തോട്ടത്തിലിന്റെ സന്ദേശം ഉള്‍ക്കൊള്ളുന്ന നാലാമത്തെ പ്രമോയില്‍ രജിസ്‌ട്രേഷന്‍ കമ്മിറ്റിയെ പറ്റിയും കണ്‍വെന്‍ഷന്റെ ഒരുക്കങ്ങളെ പറ്റിയും ഹ്രസ്വമായി പ്രതിപാദിക്കുന്നുണ്ട്.
കണ്വെന്ഷന് ഇനി ഒരാഴ്ച മാത്രം അവശേഷിക്കേ യൂണിറ്റുകള്‍ എല്ലാം സജീവമായ ഒരുക്കത്തിലാണ്.പല യൂണിറ്റുകളും റാലിയ്ക്കായി യൂണിഫോം വസ്ത്രങ്ങള്‍ ഓര്‍ഡര്‍ ചെയ്ത് വരുത്തി.അഭിവന്ദ്യപിതാക്കന്മാര്‍ ചൊവ്വാഴ്ച മുതല്‍ എത്തിച്ചേരും.ഇന്നും നാളെയുമായി സ്വാഗത ഗാനത്തിന്റെ പരിശീലനം പുര്‍ത്തിയാകും.
രുചിയേറുന്ന വിഭവങ്ങള്‍ കണ്വെന്ഷന് ദിവസം രാവിലെ മുതല്‍ വൈകീട്ട് വരെ കെറ്ററിങ്ങ് യൂണിറ്റിലെ ജോമോന്റെ നേതൃത്വത്തില്‍ ലഭ്യമാകും.നാടന്‍ പോത്ത് ചാപ്‌സും കല്ലുമേയ്ക്കായും വിവിധ തരം നാടന്‍ ആഹാരങ്ങളും ഏതു സമയത്തും ലഭ്യമാണ്.കണ്വെന്ഷന് സെന്ററിനോട് ചേര്‍ന്നുള്ള കാര്‍ പാര്‍ക്കില്‍ 3000ലധികം വാഹനങ്ങള്‍ക്ക് പാര്‍ക്ക് ചെയ്യാനുള്ള സൗകര്യമുണ്ട്.യുകെകെസിഎയുടെ സെന്‍ട്രല്‍ കമ്മറ്റിയുടെ നേതൃത്വത്തില്‍ അവിശ്യമായ എല്ലാ സജ്ജീകരണങ്ങളും നടന്നുവരുന്നു.സോഷ്യല്‍ മീഡിയയിലൂടെ സംശയങ്ങള്‍ ഉന്നയിക്കാതെ എന്തെങ്കിലും സംശയ നിവാരണത്തിനായി സെന്‍ട്രല്‍ കമ്മറ്റി അംഗങ്ങളെ ബന്ധപ്പെടുക.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല