ഹോളിഫാമിലി പ്രെയര്‍ ഗ്രൂപ്പിന്‍റെ ആഭിമുഖ്യത്തില്‍ പ്രശസ്ത വചനപ്രഘോഷകനായ ഡോ. ജോണ്‍ ദാസ് നയിക്കുന്ന പരിശുദ്ധാമാഭിഷേക ധ്യാനം ഫെബ്രുവരി 12, 13 തീയതികളില്‍ ഗില്‍ഫോര്‍ഡ് സെന്‍റ് മേരീസ് കത്തോലിക്കാ പള്ളിയില്‍(157 ALDERSHOT ROAD, GU2 8BP) നടക്കും.
ബ്രദര്‍ മാത്യു തോമസും(ചിചെസ്റ്റര്‍)വചന ശുശ്രൂഷകളില്‍ പങ്കെടുക്കും.
12ന് രാവിലെ ഒന്പതുമുതല്‍ നാലുവരെയും 13ന് ഉച്ചകഴിഞ്ഞ് 1.30 മുതല്‍ രാത്രി എട്ടുവരെയുമാണ് ധ്യാനം ക്രമീകരിച്ചിരിക്കുന്നത്.
13ന് വൈകുന്നേരം ഏഴിന് ഫാ. ജോയി ആലപ്പാട്ടിന്‍റെ മുഖ്യകാര്‍മികത്വത്തില്‍ വിശുദ്ധ കുര്‍ബാന ഉണ്ടായിരിക്കും. ബ്രദര്‍ ജിജു ചക്കുങ്കല്‍ ഗാനശുശ്രൂഷ നയിക്കും.കുന്പസാരത്തിനും കൗണ്‍സിലിംഗിനും സൗകര്യം ക്രമീകരിച്ചിട്ടുണ്ട്.
ആത്മീയനിറവുള്ള അദ്ദേഹത്തിന്‍റെ പ്രഭാഷണംശ്രവിക്കുന്നതിനും വചന വിരുന്നിലൂടെ ദൈവാനുഗ്രഹം പ്രാപിക്കുന്നതിനുമുള്ള അവസരം ഗില്‍ഫോര്‍ഡിലും പരിസര പ്രദേശങ്ങളിലുമുള്ള എല്ലാ വിശ്വാസികളും പ്രയോജനപ്പെടുത്തണമെന്ന് സംഘാടകര്‍ അറിയിച്ചു.
കൂടുതല്‍ വിവരങ്ങള്‍ക്ക് ഷെറിള്‍(07837895604),ജോസഫ്(07846747602) എന്നിവരെ ബന്ധപ്പെടണം
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല