സഹൃദയരായ ഒരുപറ്റം ഷെഫീല്‍ഡ് മലയാളികളുടെ മനസില്‍ ഉടലെടുത്ത SKCA അതിന്റെ പത്താം പിറന്നാള്‍ വിപുലമായ പരിപാടികളോടെ നവംബര്‍ 8 ന് ആഘോഷിക്കുന്നു. ഇക്കഴിഞ്ഞ പത്തുവര്‍ഷമായി ഷെഫീല്‍ഡ് മലയാളികള്‍ക്കിടയിലെ നിറസാന്നിധ്യമാണ് SKCA.
ദശവര്‍ഷത്തോടനുബന്ധിച്ച് വിപുലമായ പരിപാടികളാണ് ഭാരവാഹികള്‍ അണിയൊച്ചൊരുക്കിയിരിക്കുന്നത്. വൈകുന്നേരത്തെ പൊതുസമ്മേളനത്തോടെ ആരംഭിക്കുന്ന പരിപാടികള്‍ക്ക് ഐഡിയ സ്റ്റാര്‍ സിംഗറിലൂടെ പ്രേക്ഷകരുടെ മനം കവര്‍ന്ന് ഇന്ന് മലയാള ചലച്ചിത്ര പിന്നണി ഗാനരംഗത്തെ അവിഭാജ്യ ഘടകമായി മാറിയ നജീമിന്റെ ഗാനമേള പത്തരമാറ്റേകും. ഒപ്പം അരുണ്‍ ഗോപന്‍ (ഐഡിയ സ്റ്റാര്‍ സിംഗര്‍ ഫെയിം), കൈരളി ടിവിയില്‍ റയിന്‍ ഡ്രോപ്‌സ് എന്ന പരിപാടി അവതരിപ്പിക്കുന്ന വൃന്ദ ഷമീക്ക് എന്നിവര്‍ക്കൊപ്പം 10 കലാകാരന്മാരുടെ ലൈവ് ഓര്‍ക്കസ്ട്രയും ചേരുമ്പോള്‍ ഈ സംഗീത സായഹ്നം മറക്കാനാകാത്ത അനുഭവമാകും.
പരിപാടിയുടെ ടിക്കറ്റ് വില്‍പ്പന പുരോഗമിക്കുന്നതിനാല്‍ തങ്ങളുടെ ടിക്കറ്റുകള്‍ ഉറപ്പുവരുത്താന്‍ സംഘാടകര്‍ അഭ്യര്‍ഥിക്കുന്നു. ഈ ദൃശ്യശ്രവ്യ വിരുന്നില്‍ സകുടുംബം പങ്കെടുക്കാന്‍ SKCA ഭാരവഹികള്‍ ഏവരേയും സസന്തോഷം സ്വാഗതം ചെയ്യുന്നു. വേദിയുടെ വിലാസം,
Lady Mabel Hall,
Ecclesfield,
Chapel Town Road,
Sheffield School,
S35 9WD.
കൂടുതല്‍ വിവരങ്ങള്‍ക്ക്,
ഷാജു സി ബേബി (07846593330),
ബിബിന്‍ ജോസ് (07807791368)
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല