ലോകകപ്പ് ക്രിക്കറ്റിന്റെ ക്വാര്‍ട്ടര്‍ ഫൈനലില്‍ ദക്ഷിണാഫ്രിക്കയെ തോല്‍പിച്ച് ന്യൂസിലാന്റ് സെമിയില്‍ കടന്നു. ടോസ് നേടി ബാറ്റിങ് തെരെഞ്ഞെടുത്ത ന്യൂസിലാന്റ് 50 ഓവറില്‍ എട്ട് വിക്കറ്റ് നഷ്ടത്തില്‍ 221 റണ്‍സെടുത്തു. മറുപടി ബാറ്റിങ്ങിനിറങ്ങിയ ദക്ഷിണാഫ്രിക്ക 43 .2 ഓവറില്‍ 172 റണ്‍സിന് എല്ലാവരുംപുറത്തായി.നാല് വിക്കറ്റെടുത്ത ജെ.ഡി.പo ഒറാമും മൂന്ന് വിക്കറ്റെടുത്ത മെക്കല്ലവും ആണ് ദക്ഷിണാഫ്രിക്കന്‍ ബാറ്റിങ്ങിനെ തളച്ചത്
കപ്പു ജയിക്കാനുറച്ചെത്തിയ ദക്ഷിണാഫ്രിക്കയുടെ പുറത്താവലാണ് ഈ ലോകകപ്പിലെ ഏറ്റവും വലിയ അട്ടിമറി. അരങ്ങേറ്റത്തില്‍ 1992-ല്‍ സെമിയിലെത്തിയ ദക്ഷിണാഫ്രിക്ക, ലോകകപ്പില്‍ നോക്കൗട്ട് റൗണ്ട് മത്സരം ജയിക്കാതെ പുറത്താവുന്നത് അഞ്ചാം തവണയാണ്. അതേസമയം ലോകകപ്പ് നേടിയിട്ടില്ലെങ്കിലും മികച്ച റെക്കോഡുള്ള കിവികള്‍ ഒരിക്കല്‍കൂടി ആ സല്‍പ്പേര് നിലനിര്‍ത്തി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല