ജോസ് മാത്യു, ലിവര്‍പൂള്‍
ബേസിങ് സ്‌റ്റോക്ക് സെന്റ് ജോര്‍ജ് യാക്കോബായ സിറിയന്‍ ഓര്‍ത്തഡോക്‌സ് ഇടവകയുടെ ആദ്യ വാര്‍ഷികവും വിശുദ്ധ ഗീവര്‍ഗ്ഗീസ് സഹദായുടെ ഓര്‍മ്മപ്പെരുന്നാളം ഭക്തിപൂര്‍വം ആഘോഷിച്ചു. മേയ് 14ന് ശനിയാഴ്ച രാവിലെ 9ന് പ്രഭാത നമസ്‌ക്കാരത്തോടു കൂടി ആഘോഷങ്ങള്‍ക്കു തുടക്കമായി. ഇടവക വികാരി ഫാ. ഗീവര്‍ഗ്ഗീസ് തണ്ടായത്തിന്റെ സാന്നിധ്യത്തില്‍ ബ്രിസ്റ്റോള്‍ ക്‌നാനനായ ഇടവക വികാരി ഫാ. സജി എബ്രഹാം വിശുദ്ധ കുര്‍ബ്ബാനയും ഗീവര്‍ഗ്ഗീസ് സഹദായോടുള്ള പ്രത്യേക മധ്യസ്ഥ പ്രാര്‍ഥനയും നടത്തി.
തുടര്‍ന്നു മുത്തുക്കുടയും ചെണ്ടമേളത്തിന്റെ അകമ്പടിയോടു കൂടി ബേസിങ് സ്‌റ്റോക്ക് നഗരം ചുറ്റി പ്രദക്ഷിണവും ശേഷം ആശിര്‍വാദവും നേര്‍ച്ച സദ്യയും നടത്തി. ആഘോഷ പരിപാടികള്‍ക്ക് സെക്രട്ടറി ജിബു ജേക്കബ്, ട്രഷറര്‍ ജോസഫ് സഖറിയ, കമ്മറ്റി അംഗങ്ങളായ ഷാജി മനോജ്, ജോമോന്‍, ഫിലിപ്പ് കുട്ടി, ബോബന്‍ മാത്യു എന്നിവര്‍ നേതൃത്വം നല്‍കി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല