ജോൺ മാത്യൂസ്: യുകെ മലങ്കര സഭയുടെ ആഭിമുഖ്യത്തില്‍ സെപ്റ്റംബര്‍ 20 ന് ഞായറാഴ്ച രാവിലെ 11 മണിക്ക് വാല്‍സിംഗാം ചെറിയ പള്ളിയില്‍ നിന്നും സ്ലിപ്പര്‍ ചാപ്പലിലേക്കുള്ള തീര്‍ഥാടന യാത്രയോടു കൂടി തിരുക്കര്‍മ്മങ്ങള്‍ ആരംഭിച്ചു.
ശേഷം ഫാ ദാനിയേല്‍ കുളങ്ങരയുടേയും ഫാ ജോസഫിന്റേയും നേതൃത്വത്തില്‍ ആഘോഷമായ കുര്‍ബാന നടന്നു. പരിശുദ്ധ മാതാവിന്റെ മധ്യസ്ഥതയില്‍ ക്രിസ്തീയ മൂല്യങ്ങളില്‍ ജീവിക്കാന്‍ ഫാ ദാനിയേല്‍ കുളങ്ങര വിശ്വാസികളെ ആഹ്വാനം ചെയ്യുകയും തിരുക്കര്‍മ്മങ്ങളില്‍ പങ്കെടുക്കാന്‍ യുകെയുടെ വിവിധ ഭാഗങ്ങളില്‍ നിന്നെത്തിയ എല്ലാവര്‍ക്കും നന്ദി അറിയിക്കുകയും ചെയ്തു.
മോണ്‍ ജോണ്‍ ആര്‍മിറ്റേജ് മലങ്കര മലങ്കര കത്തോലിക്കാ സഭയുടെ 85 മത് പുനഃരൈക്യ വാര്‍ഷികത്തിന് ആശംസ അര്‍പ്പിക്കുകയും മലങ്കര കത്തോലിക്കാ സഭയുടെ യുകെയിലെ മുന്നോട്ടുള്ള പ്രവര്‍ത്തനങ്ങള്‍ക്ക് എല്ലാവിധ സഹായവും വാഗ്ദാനം ചെയ്യുകയുമുണ്ടായി. തീര്‍ഥാടകര്‍ക്കുള്ള ഉച്ച ഭക്ഷണം സംഘാടകര്‍ ക്രമീകരിച്ചിരുന്നു. വരും വര്‍ഷം വീണ്ടും കാണാമെന്നുള്ള പ്രാര്‍ഥനയോടെ വിശ്വാസികള്‍ വാല്‍സിംഗാമില്‍ നിന്ന് പിരിഞ്ഞു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല