അലക്‌സ് വര്‍ഗീസ്: മാഞ്ചസ്റ്റര്‍ സെന്റ് മേരീസ് യാക്കോബായ സിറിയന്‍ ഓര്‍ത്തഡോക്‌സ് ചര്‍ച്ചിന്റെ ആഭിമുഖ്യത്തില്‍ ഒക്ടോബര്‍ 24, 25 തീയ്യതികളില്‍ നടന്ന ”വെക്കേഷന്‍ ബൈബിള്‍ ക്ലാസ്” മുതിര്‍ന്നവരും ചെറിയവരുമുള്‍പ്പെടെയുള്ള കുട്ടികള്‍ വളരെ ആവേശത്തോടെയാണ് സ്വീകരിച്ചത്. ”നല്ലതിനെ മുറുകെപിടിക്കുക” എന്ന ബൈബിള്‍ വാക്യത്തെ ആസ്പദമാക്കി നടത്തിയ പരിപാടി ബഹു. എല്‍ദോസ് വട്ടപ്പറമ്പില്‍ അച്ചന്‍ നേതൃത്വം നല്കി. വേദപുസ്തക പഠനനങ്ങള്‍ക്കൊപ്പം, വിനോദവും മറ്റ് വിജ്ഞാനവും ഉള്‍പ്പെടുത്തിയുള്ള V B S കുട്ടികള്‍ക്ക് വളരെയധികം വിജ്ഞാനപ്രദവും രസകരവുമായിരുന്നു. ജീസസ് യൂത്ത് പ്രവര്‍ത്തകര്‍ കൈകാര്യം ചെയ്ത ബൈബിള്‍ ക്ലാസ് കൊച്ചുകുട്ടികളടക്കം എല്ലാവര്‍ക്കും വളരെയധികം പ്രയോജനം ചെയ്തു. വി. കുര്‍ബാനക്ക് ശേഷം കുട്ടികളുടെ റാലിയും, വിവിധ പരിപാടികളും ഉണ്ടായിരുന്നു. സ്റ്റീഫന്‍ നടത്തിയ മാജിക് ഷോ കുട്ടികള്‍ വളരെയധികം ആസ്വദിച്ചു. ”വെക്കേഷന്‍ ബൈബിള്‍ ക്ലാസ്” വിജയിപ്പിക്കാന്‍ പങ്കെടുക്കുകയും മറ്റ് സഹായങ്ങള്‍ ചെയ്യുകയും ചെയ്ത എല്ലാവര്‍ക്കും ഫാ. എല്‍ദോസ് വട്ടപ്പറമ്പില്‍ അച്ചന്‍ നന്ദി രേഖപ്പെടുത്തി.
Thursday, November 28, 2024 01:49:45 AM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല