അലക്‌സ് വര്‍ഗീസ്: കേരളത്തനിമയില്‍ ഊന്നിയ ആഘോഷങ്ങള്‍കൊണ്ട് മലയാളികള്‍ ഗൃഹാതുരത്വം കാത്തുസൂക്ഷിക്കുന്ന മാഞ്ചസ്റ്ററിന് ഇനി സ്വന്തമായി ചെണ്ടമേളം ഗ്രൂപ്പും.
പ്രശസ്ത ചെണ്ടമേള കലാകാരന്‍ രാധേഷ് നായരുടെ നേതൃത്വത്തില്‍ പുതുതായി രൂപംകൊണ്ട ‘ മാഞ്ചസ്റ്റര്‍ മേളം’ ഗ്രൂപ്പിന് ഔദ്യോഗിക തുടക്കം കുറിച്ചു. വിവിധ മലയാളി അസ്സോസിയേഷനുകളുടെയും സന്നദ്ധസംഘടനാ പ്രതിനിധികളുടെയും പൊതുജനസാന്നിധ്യത്തെയും സാക്ഷി നിര്‍ത്തി സെന്റ്. ജോസഫ് ചര്‍ച്ച് ഹാളില്‍ നടന്ന ചടങ്ങില്‍ സാല്‍ഫോര്‍ സാല്‍ഫോര്‍ഡ് രൂപതാ സീറോ മലബാര്‍ ചാപ്ലിന്‍ ഫാ.തോമസ് തൈക്കൂട്ടത്തില്‍ ഭദ്രദീപം തെളിച്ചു ഉത്ഘാടനം നിര്‍വഹിച്ചു. റഗ്ബി പാരിഷ് വികാരി ഫാ. ടോം തോമസ് പാട്ടശ്ശേരി ആശംസകള്‍ നേര്‍ന്നു. തുടര്‍ന്ന് നടന്ന ഒരു മണിക്കൂര്‍ നീണ്ട വിസ്മയ മേള പ്രകടനം വന്‍ കരഘോഷത്തോടെയാണ് കാണികള്‍ ആസ്വദിച്ചത്.
യുകെയുടെ വിവിധ ഭാഗങ്ങളില്‍ ചെണ്ടമേളങ്ങള്‍ നടത്താനുള്ള തയ്യാറെടുപ്പിലാണ് ‘ മാഞ്ചസ്റ്റര്‍ മേളം’ എന്ന് ടീം മാനേജര്‍ ജനേഷ് അറിയിച്ചു.
കൂടുതല്‍ വിവരങ്ങള്‍ക്ക്:
രാധേഷ് : 07815819190
ജനേഷ്: 07960432577
Facebook : Manchester Melam
Email: manchestermelam@gmail.com
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല