സാബു ചുണ്ടക്കാട്ടില്‍: പ്രശസ്ത വചന പ്രഘോഷകനും വാഗ്മിയുമായ ഫാ. ഫിലിപ്പ് പന്തമ്ലാക്കല്‍ നയിക്കുന്ന ഏകദിന ധ്യാനം ഡിസംബര്‍ ആറാം തീയതി ഞായറാഴ്ച മാഞ്ചസ്റ്ററില്‍ നടക്കും. വിഥിന്‍ ഷോ സെന്റ്. ആന്റണീസ് ദേവാലയത്തില്‍ ഉച്ചക്ക് 12.30 മുതല്‍ വൈകുന്നേരം വരെയാണ് ധ്യാനം നടക്കുക.കുട്ടികള്‍ക്കും മുതിര്‍ന്നവര്‍ക്കും രണ്ടു സെക്ഷനുകളായിട്ടാണ് ധ്യാനം നടക്കുക. ഉച്ചക്ക് 12 മുതല്‍ സെന്റ് ജോണ്‍സ് സ്‌കൂള്‍ ഓഡിറ്റോറിയത്തില്‍ കുട്ടികള്‍ക്കും യൂത്തിനുമായിട്ടുള്ള ധ്യാനത്തിന് തുടക്കമാകും. ജീസസ് യൂത്ത് ടീമാണ് കുട്ടികളുടെ ധ്യാനത്തിന് നേതൃത്വം നല്‍കുക. പ്രവാസി ജീവിതത്തില്‍ കുടുംബ വിശുദ്ധീകരണം എന്ന വിഷയം ആസ്പദമാക്കിയാണ് ധ്യാനം നടക്കുന്നത്. കുമ്പസാരത്തിനുള്ള സൗകര്യം ഉണ്ടായിരിക്കുന്നതാണ്. വൈകുന്നേരം 6ന് ധ്യാനപരിപാടികള്‍ സമാപിക്കും. ഉണ്ണിയേശുവിന്റെ തിരുപ്പിറവിക്കായി ഒരുങ്ങുവാനുള്ള ഏകദിന ധ്യാനത്തില്‍ പങ്കെടുക്കുവാന്‍ മാഞ്ചസ്റ്ററിലും പരിസര പ്രദേശത്തുമുള്ള മുഴുവന്‍ ആളുകളെയും ഷ്രൂസ്ബറി രൂപത സീറോ മലബാര്‍ ചാപ്ലയിന്‍ റവ. ഡോ. ലോനപ്പന്‍ അരങ്ങാശേരി സ്വാഗതം ചെയ്യുന്നു.
ധ്യാനത്തിന് എത്തുന്നവര്‍ കുട്ടികളെ സെന്റ് ജോണ്‍സ് സ്‌കൂളില്‍ ഡ്രോപ്പ് ചെയ്തതിനു ശേഷം സെന്റ്. ആന്റണീസ് പള്ളിയില്‍ എത്തി ധ്യാനത്തില്‍ പങ്കെടുക്കണം.
വിലാസം:
ST. ANTONY’S CHURCH
PORTWAY
MANCHESTER
M220WR
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല