ക്‌നാനായ യുവജന സംഘടനയായ യു.കെ.കെ.സി.വൈ.എല്‍ നാഷണല്‍ പ്രസിഡന്റായി സുബിന്‍ ഫിലിപ്പും ( പൂള്‍ ആന്‍ഡ് ബോണ്‍മൗത്ത് യൂണിറ്റ് ) സെക്രട്ടറിയായി ദീപ് സൈമണും ( ഈസ്റ്റ് ആന്‍ഗ്ലിയ യൂണിറ്റ് )തെരഞ്ഞെടുക്കപ്പെട്ടു. കാര്‍ഡിഫ് യൂണിറ്റില്‍ നിന്നുള്ള ടിജോ ജോസഫ് ആണ് ട്രഷറര്‍. പ്രദീഷ് ഫിലിപ്പ് ( ബാസില്‍ഡണ്‍ആന്‍ഡ് സൗത്ത് എന്‍ഡ് യൂണിറ്റ് )വൈസ് പ്രസിഡന്റായും ഷിനോ തോമസ് ജോയിന്റ് സെക്രട്ടറിയായും (ബിര്‍മിങ്ഹാം യൂണിറ്റ് )തെരഞ്ഞെടുക്കപ്പെട്ടു.
കഴിഞ്ഞ രണ്ടു ദിവസമായി മിഡ് വെയില്‍സിലെ സിഫണ്‍ കോണ്‍ഫറന്‍സ് സെന്റില്‍ നടന്ന ക്യാമ്പിന്റെ സമാപന ദിവസമായ ഇന്നലെയാണ് നാഷണല്‍ ഭാരവാഹികളെ തെരഞ്ഞെടുത്തത്. യു.കെ.കെ.സി.എ പ്രസിഡന്റ് ഐന്‍സ്റ്റീന്‍ വാലയില്‍, ജനറല്‍ സെക്രട്ടറി സ്‌റ്റെബി ചെറിയാക്കല്‍, എന്നിവരുടെ നേതൃത്വത്തില്‍ യു.കെ.കെ.സി.എ ഭാരവാഹികള്‍ ക്യാമ്പിന് നേതൃത്വം നല്കി.
ഫാ.സജി മലയില്‍പുത്തന്‍ പുരയില്‍, ഫാ.സജി തോട്ടം എന്നിവരും ക്യാമ്പിന് മാര്‍ഗ നിര്‍ദേശങ്ങള്‍ നല്കി പങ്കെടുത്തു.ഷെറിന്‍ ബേബി ക്ലാസുകള്‍ക്ക് നേതൃത്വം നല്കി.കേരളത്തില്‍ പ്രവര്‍ത്തിച്ച് ശ്രദ്ധേയമായ ക്‌നാനായ യുവജന സംഘടന യു.കെ.യിലും ദേശീയ തലത്തില്‍ രൂപീകൃതമാകുന്നത് യു.കെ.യിലെ ക്‌നാനായ കുടിയേറ്റത്തിന്റെ പുതിയ അധ്യായമായി ചൂണ്ടിക്കാണിക്കപ്പെടുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല