സാബു ചുണ്ടക്കാട്ടില്‍: ഷ്രൂഷ്ബറി രൂപതയുടെ സീറോ മലബാര്‍ ചാപ്ലയിന്‍ റവ.ഡോ ലോനപ്പന്‍ അരങ്ങാശ്ശേരിയുടെ പൗരോഹിത്യ സ്വീകരണത്തിന്റെ 35ാം വാര്‍ഷിക ആഘോഷങ്ങള്‍ പുതുഞായറാഴ്ച മാഞ്ചസ്റ്ററില്‍ നടന്നു.വൈകുന്നേരം 4ന് വിഥിന്‍ഷോ സെന്റ് ആന്റണീസ് ദേവാലയത്തില്‍ നടന്ന ദിവ്യബലിയോടെയാണ് പരിപാടികള്‍ക്ക് തുടക്കമായത്.തുടര്‍ന്ന് പള്ളിക്ക് സമീപത്തെ മാതാവിന്റെ ഗ്രോട്ടോയില്‍ ട്രസ്റ്റിമാരും മാതൃവേദി പ്രവര്‍ത്തകരും അവന് പൂച്ചെണ്ടുകള്‍ നല്‍കി ആദരിക്കുകയും ആശംസകള്‍ അര്‍പ്പിച്ച് സംസാരിക്കുകയും ചെയ്തു.
തുടര്‍ന്ന് അച്ചന് കേക്ക് മുറിച്ച് എല്ലാവരും ഒത്ത് സന്തോഷം പങ്കിടുകയും തനിക്ക് നല്‍കിയ സ്വീകരണത്തിന് നന്ദി രേഖപ്പെടുത്തി സംസാരിക്കുകയും ചെയ്തു.1981 മാര്‍ച്ച് 28നാണ് റവ ഡോ ലോനപ്പന്‍ അരങ്ങാശ്ശേരി പട്ടം സ്വീകരിച്ചത്.തുടര്‍ന്ന് ഇന്ത്യയില്‍ വിവിധ സ്ഥലങ്ങളിലും ഇറ്റലി,ജര്‍മ്മനി,അല്‍ബാനിയ,അമേരിക്ക,ഓസ്‌ട്രേലിയ എന്നിവിടങ്ങളിലെ സേവനത്തിന് ശേഷമാണ് അച്ചന് യുകെയിലെത്തിയത്.വൈദീക പ്രവര്‍ത്തിയില്‍ 35 വര്‍ഷങ്ങള്‍ പൂര്‍ത്തിയാക്കിയ ലോനപ്പന്‍ അച്ചന് പ്രാര്‍ത്ഥനാശംസകള്‍
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല