റാംസ്‌ഗേറ്റ് ധ്യാനകേന്ദ്രത്തില്‍ നായിക്കംപറമ്പിലച്ചനും പനയ്ക്കലച്ചനും നയിക്കുന്ന ഏകദിന ഡിവൈന്‍ കണ്‍വന്‍ഷനും ആന്തരിക സൗഖ്യധ്യാനവും

ജോണ്‍സണ്‍ ഊരാംവേലില്‍: ലോകപ്രശസ്ത വചനപ്രഘോഷകരും ലോകമെമ്പാടുമുള്ള ഡിവൈന്‍ ധ്യാനമന്ദിരങ്ങളുടെ സ്ഥാപകരുമായ ബഹുമാനപ്പെട്ട മാത്യു നായ്ക്കംപറമ്പിലച്ചനും ജോര്‍ജ് പനയ്ക്കലച്ചനും നയിക്കുന്ന ഏകദിന ഡിവൈന്‍ കണ്‍വന്‍ഷന്‍ ജൂലൈ മാസം രണ്ടാം തീയതി ശനിയാഴ്ച റാംസ്‌ഗേറ്റ് ധ്യാനകേന്ദ്രത്തില്‍ വച്ച് നടത്തപ്പെടുന്നു. രാവിലെ 9.30ന് ആരംഭിക്കുന്ന കണ്‍വന്‍ഷനില്‍ റാംസ്‌ഗേറ്റ് ധ്യാനകേന്ദ്രത്തിന്റെ അസിസ്റ്റന്റ് ഡയറക്ടറും ധ്യാനഗുരുവുമായ ഫാ. ജോസഫ് ഏടാട്ട് VC, സി. തെരേസാ വാരക്കുളം FCC തുടങ്ങിയവരും ശുശ്രൂഷ നയിക്കുന്നതാണ്. വിശുദ്ധ കുര്‍ബാനയോടും ആരാധനയോടും കൂടി കണ്‍വന്‍ഷന്‍ വൈകുന്നേരം 4.30ന് സമാപിക്കും.
നായിക്കംപറമ്പിലച്ചനും പനയ്ക്കലച്ചനും നയിക്കുന്ന മലയാളത്തിലുള്ള മൂന്നുദിവസത്തെ താമസിച്ചുള്ള ധ്യാനം ജൂലൈ മൂന്നാം തീയതി ഞായറാഴ്ച രാവിലെ 8.30ന് ആരംഭിച്ച് ജുലൈ അഞ്ചാം തീയതി ചൊവ്വാഴ്ച വൈകുന്നേരം 4.30ന് സമാപിക്കുന്നതാണ്. ഇംഗ്ലീഷിലുള്ള മൂന്നുദിവസത്തെ താമസിച്ചുള്ള ധ്യാനം ജൂലൈ എട്ടാം തീയതി വെള്ളിയാഴ്ച രാവിലെ 8.30ന് ആരംഭിച്ച് ജുലൈ പത്താം തീയതി ഞായറാഴ്ച വൈകുന്നേരം 4.30ന് സമാപിക്കുന്നതാണ്.
ധ്യാനാവസരത്തില്‍ കുമ്പസാരിക്കുന്നതിനും കൗണ്‍സിലിംഗിനും സൗകര്യമുണ്ടായിരിക്കുന്നതാണ്. കരുണയുടെ വിശുദ്ധ കവാടത്തിലൂടെ പ്രവേശിച്ച് പരിപൂര്‍ണ്ണ ദണ്ഡവിമോചനം നേടുന്നതിനുള്ള അവസരവും ഉണ്ടായിരിക്കുന്നതാണ്. താമസസൗകര്യങ്ങളും ഭക്ഷണക്രമീകരണങ്ങളും പാര്‍ക്കിങ്ങ് സൗകര്യവും ധ്യാനകേന്ദ്രത്തില്‍ നിന്നും ചെയ്യുന്നതാണ്. ദൈവവചനത്താലും വിശുദ്ധ കൂദാശകളാലും സ്തുതി ആരാധനയാലും കഴുകപ്പെട്ട് ദൈവസ്‌നേഹത്താല്‍ നിറഞ്ഞ് കുടുംബമായി അഭിഷേകം പ്രാപിക്കാന്‍ നിങ്ങളേവരേയും ക്ഷണിക്കുന്നു.
ധ്യാനം നടക്കുന്ന ഡിവൈന്‍ ധ്യാനകേന്ദ്രത്തിന്റെ വിലാസം :
Divine Rtereat Cetnre,
St. Augustines Abbey,
St. Augustines Road
Ramsgate, Kent – CT11 9PA
കൂടുതല്‍ വിവരങ്ങള്‍ക്കും അന്വേഷണങ്ങള്‍ക്കും ബുക്കിംഗിനും ബന്ധപ്പെടുക:
Fr. Joseph Edattu VC