എ. പി. രാധാകൃഷ്ണന്‍: ലണ്ടന്‍ ഹിന്ദു ഐക്യവേദിയുടെ നേതൃത്വത്തില്‍ എല്ലാ മാസവും നടന്നു വരുന്ന സത്സംഗം ഈ മാസം മീനഭരണിയായി ആഘോഷിക്കുന്നു. ക്രോയ്ടനിലെ പതിവ് വേദിയായവെസ്റ്റ് ത്രോണ്ടന്‍ കമ്മ്യൂണിറ്റി സെന്റെര്‍ ഇല്‍ വെച്ച് ഈ മാസം 26 നു ശനിയാഴ്ചയാണ് ആഘോഷപരിപാടികള്‍ നടക്കുന്നത്.
കേരളത്തിലെ പ്രശസ്ത ഭഗവതി ക്ഷേത്രങ്ങളായ കൊടുങ്ങല്ലൂരും ശാര്‍ക്കരയിലും ആണ് പ്രധാനമായും മീനഭരണി ചടങ്ങുകള്‍ നടക്കുന്നത്. അതിപുരാതന കാലം മുതല്‍ നടക്കുന്ന ഏറ്റവും പ്രധാന്യമേറിയ ചടങ്ങുകള്‍ കൊണ്ട് സമ്പന്നമാണ് കൊടുങ്ങല്ലൂര്‍ ശ്രീ കുരുംബകാവിലമ്മയുടെ ഭരണി ആഘോഷങ്ങള്‍. തൃച്ചന്ദന ചാര്‍ത്ത് പൂജയും അശ്വതി കാവുതീണ്ടലുമായി കൊടുങ്ങല്ലൂര്‍ ഭരണി ആഘോഷികുമ്പോള്‍, പള്ളിവേട്ടയും ആറാട്ടും നടത്തി കെട്ടുകാഴ്ചകളുമായി ശാര്‍ക്കര ഭരണിയും നടക്കും. ഏപ്രില്‍ മാസം 9 നു ആണ് ഇപ്രാവശ്യത്തെ മീനഭരണി.
ലണ്ടന്‍ ഹിന്ദു ഐക്യവേദിയുടെ പരിപാടികളില്‍ പ്രധാനമായും മണികൂറുകള്‍ നീണ്ടുനില്‍ക്കുന്ന ഭജനയും നാമസങ്കീര്‍ത്തനവും ആണ്. ഭജന കൂടാതെ സുഭാഷിതം പരിപാടിയായ അമരവാണികള്‍, മീന ഭരണിയുടെ പ്രാധാന്യത്തെ കുറിച്ചുള്ള പ്രത്യേക പ്രഭാഷണവും ഇത്തവണ ഒരുക്കിയിട്ടുണ്ട്. സമൂഹത്തിലെ എല്ലാ വിഭാഗം ജനങ്ങളും പരിപാടികളില്‍ പങ്കെടുക്കന്നമെന്നു സംഘാടകര്‍ പ്രത്യേകം അഭ്യര്‍ഥിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല