ഫാ. തോമസ് മടുക്കമൂട്ടില്‍: ലോക രക്ഷകനായ യേശു ക്രിസ്തുവിന്റെ പാദ സ്പര്‍ശനമേറ്റ വിശുദ്ധ നാടിന്റെ പുണ്യത ആഴത്തില്‍ അനുഭവിച്ചറിയാന്‍ പ്രത്യേക തീര്‍ത്ഥ യാത്ര ക്രമീകരിക്കുന്നു. വിശുദ്ധ ഗ്രന്ഥത്തിന്റെ വരികളുടെ അര്‍ത്ഥം കൂടുതല്‍ മനസിലാക്കുവാനും യേശുവിന്റെ ജീവിതത്തെ അടുത്തറിയുവാനും ക്രമീകരിച്ചിരിക്കുന്ന തീര്‍ത്ഥാടനം 2016 ഫെബ്രുവരി 5 മുതല്‍ 11 വരെയായിരിക്കും. നിരവധി വൈദികരും അല്മായ പ്രേഷിതരും ഉള്‍ച്ചേര്‍ന്നിരിക്കുന്ന ഗ്രൂപ്പിന് ഫാ. തോമസ് മടുക്കംമൂട്ടില്‍ നേതൃത്വം നല്‍കും. ഇസ്രായേലില്‍ ഉപരിപഠനം നടത്തുന്ന മലയാളിയായ ഫാ. പോള്‍ ഗൈഡായി ശുശ്രൂഷ നടത്തും. ഫെബ്രുവരി 5 ന് ലൂട്ടന്‍ എയര്‍പോര്‍ട്ടില്‍ നിന്നും നേരിട്ടുള്ള വിമാനത്തിലാണ് സംഘം യാത്ര തിരിക്കുക.
എല്ലാ പ്രധാന വിശുദ്ധ കേന്ദ്രങ്ങളിലും വി. കുര്‍ബാനയും മറ്റു പ്രാര്‍ത്ഥനാ ശുശ്രൂഷകളും ക്രമീകരിച്ചിരിക്കുന്നു. താമസത്തിനായി ഫോര്‍ സ്റ്റാര്‍ ഹോട്ടലുകള്‍ ബുക്ക് ചെയ്തിരിക്കുന്നു. ഏതാനും കുടുംബങ്ങള്‍ക്ക് കൂടി തീര്‍ത്ഥാടന യാത്രയില്‍ പങ്കു ചേരാന്‍ അവസരമുണ്ട്.
കൂടുതല്‍ വിവരങ്ങള്‍ക്ക്:
ജോഷി തോമസ്: 07533432986, 07722116265
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല