വീക്കെന്‍ഡില്‍ വീണ്ടും മഞ്ഞുവീഴ്ച

ലണ്ടന്‍: ഈയാഴ്ച്ചയില്‍ മഞ്ഞുവീഴ്ച്ച ശക്തിയായി തിരിച്ചെത്തുമെന്ന് കാലാവസ്ഥാ മുന്നറിയിപ്പ്. വടക്കുകിഴക്കന്‍ ഇംഗ്ലണ്ടിലും സ്‌കോട്ട്‌ലാന്റിലും കടുത്ത ശൈത്യം അനുഭവപ്പെടുമെന്നും കാലാവസ്ഥാ വിദഗ്ധര്‍ പറയുന്നു.

പകല്‍സമയത്തെ ഊഷ്മാവ് 2 മുതല്‍ 3 സെല്‍ഷ്യസ് വരെ താഴാന്‍ സാധ്യതയുണ്ട്. രാജ്യത്തിന്റെ പടിഞ്ഞാറന്‍ ഭാഗങ്ങളില്‍ തണുത്ത, സാന്ദ്രത കുറഞ്ഞ കാലാവസ്ഥയും പ്രവചിക്കപ്പെടുന്നു.

ജനുവരി മാസം പ്രതീക്ഷിച്ചിരുന്നത്ര തണുപ്പ് ഉണ്ടായിരുന്നില്ല. ഈയാഴ്ച്ചയോടെ തന്നെ ഊഷ്മാവ് 5 ഡിഗ്രിക്കും 6 ഡിഗ്രിക്കും ഇടയ്ക്കായി മാറും. കഴിഞ്ഞതവണ ഇതേസമയം താപനില 11 ഡിഗ്രിക്കും 13 ഡിഗ്രിക്കും ഇടയിലായിരുന്നു.

ഈയാഴ്ച്ചയോടെ മഞ്ഞുവീഴ്ച്ച ശക്തമാകുമെന്ന് കാലാവസ്ഥാ നിരീക്ഷകനായ ജോണ്‍ ഹമോണ്‍ പറഞ്ഞു. അതിനിടെ കനത്ത മഞ്ഞുവീഴ്ച്ച സ്‌കോട്ട്‌ലന്റിലെ ചില സ്ഥലങ്ങളില്‍ ഇതിനകംതന്നെ ഉണ്ടായിട്ടുണ്ടെന്നും റിപ്പോര്‍ട്ടുകളുണ്ട്.