അപ്പച്ചന്‍ കണ്ണഞ്ചിറ
പ്രശസ്ത ധ്യാനകേന്ദ്രങ്ങളായ പാലക്കാട് സീനായും കുളത്തുവയല്‍ നിര്‍മലയും(എന്‍.ആര്‍.സി) സംയുക്തമായി യു.കെയുടെ വിവിധ ഭാഗങ്ങളില്‍ നോന്പുകാല നവീകരണ ധ്യാനങ്ങള്‍ സംഘടിപ്പിക്കുന്നു. സീനായ് കേന്ദ്രത്തിന്‍റെ ഡയറക്ടറും പ്രമുഖ വചനപ്രഘോഷകനുമായ ഫാ. ബെന്നി പീറ്റര്‍ വെട്ടിക്കാനാക്കുടി OFM cap, NRC കുളത്തുവയലിലെ സിസ്റ്റര്‍ മരിയ റോസ്(MSMI),സിസ്റ്റര്‍ സ്റ്റാനി(MSMI) തുടങ്ങിയവര്‍ ധ്യാനങ്ങളില്‍ വചനശുശ്രൂഷ നയിക്കും.
ലിവര്‍പൂള്‍, ബോള്‍ട്ടണ്‍, പ്രെസ്റ്റണ്‍, ബ്ലാക്ക്പൂള്‍, ലേക്ക് ഡിസ്ട്രിക്ട് തുടങ്ങിയ കേന്ദ്രങ്ങളില്‍ ധ്യാനം ക്രമീകരിച്ചിട്ടുണ്ടെന്ന് ലങ്കാസ്റ്റര്‍ സീറോമലബാര്‍ ചാപ്ലൈന്‍ റവ. ഡോ. മാത്യു ചൂരപ്പൊയ്കയില്‍ അറിയിച്ചു.ആത്മീയ ഉണര്‍വിനും കുടുംബനവീകരണത്തിനും വലിയ ആഴ്ച്ചയിലേക്ക് ആത്മീയമായി സജ്ജമാകുന്നതിനും ദൈവകൃപ നേടുന്നതിനും ധ്യാനങ്ങള്‍ പ്രയോജനപ്പെടുത്തണമെന്ന് അദ്ദേഹം നിര്‍ദേശിച്ചു.
കൂടുതല്‍ വിവരങ്ങള്‍ക്ക് ഫാ. മാത്യൂ ചൂരപ്പൊയ്കയിലുമായി(ഫോണ്‍-07772026235, 01772286424) ബന്ധപ്പെടണം
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല