കിസാന്‍ തോമസ്: അയര്‍ലന്‍ഡ് സീറോ മലബാര്‍ ചാപ്ലൈന്‍സിയുടെ പത്താം വര്‍ഷം ആചരിക്കുന്ന ഈ അവസരത്തില്‍ പുതിയ രണ്ട് വൈദികരുടെ സേവനംകൂടി സഭക്ക് ലഭിക്കുന്നു. Ardagh & Clonmacnois രൂപതയിലെ St Mel’s Cathedral, Longford ല്‍ സേവനം ചെയ്യാന്‍ കേരളത്തിലെ MCBS മിഷനറി സഭാംഗമായ ഫാ. റെജി കുരിയനെ Bishop Francis Duffy നിയമിച്ചു. Longford ഏരിയയിലെ സീറോ മലബാര്‍ സഭാ വിശ്വാസികളുടെ ആത്മീയ ശുശ്രൂഷകളും നടത്തുവാന്‍ നിദ്ദേശങ്ങള്‍ നല്‍കിക്കൊണ്ടാണ് ചാപ്ലിന്‍ ആയി നിയമിച്ചിരിക്കുന്നത്. പാലാ രൂപതയിലെ മാന്‍വെട്ടം ഇടവകാംഗമായ ഫാ. റെജി, MCBS സഭയുടെ പൂന സോളാപ്പൂര്‍ St. Joseph CBSC സ്‌കൂള്‍ പ്രിന്‍സിപ്പല്‍ ആയി സേവനം അനുഷ്ഠിച്ചുവരവേയാണ് പുതിയ സേവന മേഖലയായ Longford ല്‍ എത്തിയിരിക്കുന്നത്.
Limerick diocese ല്‍ സേവനം ചെയ്യാനായി Bishop Brendan Leahy ഫാ. റോബിന്‍ തോമസിനെ നിയമിച്ചു. Limerick ഏരിയയിലെ സീറോ മലബാര്‍ സഭാ വിശ്വാസികളുടെ ആത്മീയ ശുശ്രൂഷകളും നടത്തുവാന്‍ നിദ്ദേശങ്ങള്‍ നല്‍കിക്കൊണ്ടാണ് ചാപ്ലിന്‍ ആയി നിയമിച്ചിരിക്കുന്നത്. കാഞ്ഞിരപ്പിള്ളി സ്വദേശി ആയ ഫാ. റോബിന്‍, Thackley സീറോ മലബാര്‍ രൂപതയില്‍ സേവനം ചെയ്തുവരവേആണ് പുതിയ സേവനമേഖലയായ ലീമെറിക്കില്‍ എത്തിച്ചേര്‍ന്നത്.
ചാപ്ലൈന്‍സ് ആയി നിയമിക്കപ്പെട്ട ഫാ. റെജി കുരിയന്‍ , ഫാ. റോബിന്‍ തോമസ് എന്നിവര്‍ക്ക് സ്‌നേഹപൂര്‍വ്വകമായ സ്വാഗതവും പ്രാര്‍ത്ഥനാശംസകളും നേരുന്നതായി അയര്‍ലന്‍ഡ് സീറോ മലബാര്‍ കോര്‍ഡിനേറ്റര്‍ മോണ്‍സിഞ്ഞോര്‍ ആന്റണി പെരുമായന്‍ അറിയിച്ചു.
Ardagh & Clonmacnois (Longford) Bishop Francis Duffy, Limerick Bishop Brendan Leahy എന്നീ മെത്രാന്മാര്‍ക്ക് സീറോ മലബാര്‍ സഭാമക്കളോടുള്ള പിതൃതുല്യമായ വാത്സല്യത്തിന് സഭയുടെ ആദരവും നന്ദിയും അര്‍പ്പിക്കുന്നു.
പ്രാര്‍ത്ഥനയോടെ
മോണ്‍സിഞ്ഞോര്‍ ആന്റണി പെരുമായന്‍ കോര്‍ഡിനേറ്റര്‍, സീറോ മലബാര്‍ കാത്തലിക് ചര്‍ച് അയര്‍ലന്‍ഡ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല