കിസാന്‍ തോമസ്: ഡബ്ലിന്‍ സീറോ മലാബാര്‍ ചര്‍ച്ച് മരിയന്‍ റോഡ് സെന്റ് ജോസഫ് കൂട്ടായ്മയില്‍ ഇടവക മദ്ധ്യസ്ഥനായ വി യൌസേപ്പിതാവിന്റെ തിരുന്നാളും 9 കുട്ടികളുടെ ആദ്യകുര്‍ബ്ബാന സ്വീകരണവും ഈ മാസം (ഏപ്രില്‍ ) 30 ശനിയാഴ്ച OUR LADY QUEEN OF PEACE , MERRION ROAD , DUBLIN4 ദേവാലയത്തില്‍വച്ച് ഭക്ത്യാദരപൂര്‍വ്വം കൊണ്ടാടുന്നു .
ഉച്ചകഴിഞ്ഞ് 2.15 ന് തിരുനാളിന്റെ വിശുദ്ധ കര്‍മ്മങ്ങള്‍ ആരംഭിക്കും, തുടര്‍ന്ന് ആദ്യകുര്‍ബ്ബാന സ്വീകരണവും നടക്കും.
ഫാ.ആന്റെണി ചീരംവേലില്‍,ഫാ . ജോസ് ഭരണിക്കുളങ്ങര,
ഫാ.മാര്‍ട്ടിന്‍ പാറോക്കാരന്‍,ഫാ.ബിനോയി മാത്യൂസ് SVD എന്നിവര്‍
തിരുക്കര്‍മ്മങ്ങള്‍ക്ക് നേതൃത്വം നല്‍കും.
ക്രിസ്റ്റോ ജിയോ ബെന്നി, ലെവിന ഡി സില്‍വ, ഇന്‍സ് മരിയ മാര്‍ട്ടിന്‍, അമിത ഷോയ്, ആരന്‍ റോയി, ആന്‍ഞ്ചെലീന ആന്‍ ജോസഫ്, റോസ് മരിയ സാവിയോ, ആര്‍ലെന്‍ സന്തോഷ്, ക്രിസ്സ് അനീഷ്.എന്നീ 9 കുരുന്നുകളാണ് ആദ്യമായി ഈശോയെ സ്വീകരിക്കാന്‍ ഒരുങ്ങുന്നത്.
സെന്റ് ജോസഫ് മാസ്സ് സെന്റര്‍ സെക്രട്ടറി ടോമി കാലായിലിന്റെ നേതൃത്വത്തില്‍ വിപുലമായ ആഘോഷ പരിപാടികളാണ് തിരുന്നാള്‍, പ്രഥമ ദിവ്യകാരുണ്യ ദിനത്തില്‍ ഒരുക്കിയിരിക്കുന്നത്.
തിരുന്നാള്‍ തിരുക്കര്‍മ്മങ്ങളില്‍ പങ്കെടുത്ത് മാദ്ധ്യസ്ഥം അപേക്ഷിച്ച് ,ആദ്യകുര്‍ബ്ബാന സ്വീകരിക്കുന്ന കുട്ടികള്‍ക്ക് വേണ്ടി പ്രാര്‍ത്ഥിക്കുവാന്‍ എല്ലാ വിശ്വാസികളെയും സ്വാഗതം ചെയ്യുന്നതായി സീറോ മലബാര്‍ ചാപ്ലയിന്മാരായ ഫാ .ജോസ് ഭരണിക്കുളങ്ങര ,ഫാ .ആന്റ്ണി ചീരംവേലില്‍ എന്നിവര്‍ അഭ്യര്‍ത്ഥിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല