ജോണ്‍സണ്‍ ആഷ്‌ഫോര്‍ഡ്: സെന്റ് ജോസഫ് മലങ്കര കാത്തലിക് മിഷനില്‍ തിരുനാള്‍ മഹാമഹവും ബത്തേരി രൂപത അദ്ധ്യക്ഷനും സ്വീകരണവും
ഈസ്റ്റ് ലണ്ടന്‍ സെന്റ് ജോസഫ് സുറിയാനി മലങ്കര കത്തോലിക്കാ ദേവാലയത്തിന്റെ സ്വര്‍ഗ്ഗീയ മദ്ധ്യസ്ഥനും തിരുകുടുംബത്തിന്റെ കാവല്‍ക്കാരനുമായ വി.യൗസേപ്പ് പിതാവിന്റെയും രക്തസാക്ഷിയും പുണ്യവാളനുമായ വി ഗീവര്‍ഗീസ് സഹദായയുടേയും തിരുനാള്‍ സംയുക്തമായി മേയ് 1 മുതല്‍ 8 ാം തിയതി ഞായറാഴ്ച വരെ സമുചിതമായി ആഘോഷിക്കുകയാണ്.തിരുന്നാള്‍ സമാപന ദിവസമായ മേയ് 8ാം തിയതി ഞായറാഴ്ച രാവിലെ 10.30 ന് മലങ്കര കത്തോലിക്കാ സഭയുടെ ബത്തേരി രൂപതാ അദ്ധ്യക്ഷന്‍ ജോസഫ് മാര്‍ തോമസ് മെത്രോപോലീത്തയുടെ മുഖ്യ കാര്‍മ്മികത്വത്തില്‍ പൊന്തിഫിക്കല്‍ കുര്‍ബ്ബാന,മദ്ധ്യസ്ഥ പ്രാര്‍ത്ഥന,അനുഗ്രഹ പ്രഭാഷണവും തുടര്‍ന്ന് പാരമ്പര്യമായി നടത്തപ്പെടുന്ന തിരുനാള്‍ റാസ,ആശിര്‍വാദം,കൗമുത്ത്,നേര്‍ച്ച സദ്യ എന്നിവയും ഉണ്ടായിരിക്കണം.
നാളിതുവരെ ദൈവം നല്‍കിയ കരുതലും നന്‍മകള്‍ക്കും നന്ദി പറയുവാനും പരമ്പരാഗതമായി ലഭിച്ച ക്രൈസ്തവ പാരമ്പര്യം നഷ്ടപ്പെടാതെ സൂക്ഷിക്കാനും ഈ തിരുന്നാള്‍ നമ്മളെ സഹായിക്കട്ടെ.
തിരുന്നാളില്‍ സംബന്ധിച്ച് ദൈവാനുഗ്രഹം പ്രാപിക്കുന്നതിന് ചാപ്ലിയന്‍ ഫാ ദാനിയേല്‍ കുളങ്ങരയും കഷണിക്കുന്നു.ദൈവനാമത്തില്‍ എല്ലാ ദൈവവിശ്വാസികളേയും ക്ഷണിക്കുന്നു.വിപുലമായ കാര്‍ പാര്‍ക്കിങ്ങ് സൗകര്യം ഒരുക്കിയിട്ടുണ്ട് .
തിരുകര്‍മ്മങ്ങള്‍
8516ഞായറാഴ്ച രാവിലെ പത്തിന് അഭിവന്ദ്യപിതാവിന് സ്വീകരണം.
10.30ന് പൊന്തിഫിക്കല്‍ കുര്‍ബാന
12ന് തിരുന്നാള്‍ റാസ
12.30ന് നേര്‍ച്ച വിളമ്പല്‍
പള്ളിയുടെ വിലാസം
മാര്‍ ഇവാനിയോസ് സീറോ മലങ്കര കത്തോലിക്ക സെന്റര്‍
സെന്റ് ആന്‍സ് ചര്‍ച്ച്,170 വുഡ്വാര്ഡ് റോഡ്,RM9 4SU
കൂടുതല്‍ വിവരങ്ങള്‍ക്ക്
ഫാ ദാനിയേല്‍ കുളങ്ങര
07947563066
ജിജോ07908981434
ആന്റോ ജോണ്‍07532034145
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല