തോമസ് കെ ആന്റണി: ലണ്ടനിലെ ചിങ്‌ഫോര്‍ഡ് കത്തോലിക്കാ ദേവാലയത്തില്‍ ജൂണ്‍ 12 ഞായറാഴ്ച ഉച്ചക്ക് 3 മണി മുതല്‍ 7 മണി വരെ സോജിയച്ചനും സെഹിയോന്‍ യുകെ ടീമും പരിശുദ്ധാത്മാഭിഷേക ശുശ്രൂഷ നയിക്കും.
ബര്‍മിംഗ്ഹാം രണ്ടാം ശനിയാഴ്ച കണ്‍വന്‍ഷനില്‍ പങ്കെടുത്തു വിടുതലും സൌഖ്യവും ആത്മീയമായി പുത്തന്‍ ഉണര്‍വ്വും ലഭിച്ചവരുടെ അഭ്യര്‍ത്ഥന പ്രകാരം ഇടവക വികാരി ഫാ. ഡേവിഡ് ഒരുക്കുന്ന ശുശ്രൂഷയിലേക്ക് എല്ലാവര്‍ക്കും സ്വാഗതം.
‘നിങ്ങള്‍ പോയി എല്ലാ ജനങ്ങളെയും സുവിശേഷം അറിയിക്കുവിന്‍’ എന്ന യേശുവിന്റെ കല്‍പ്പന പ്രകാരം സോജിയച്ചന്‍ നയിക്കുന്ന ശുശ്രൂഷയിലൂടെ പാപത്തില്‍ നിന്നും വിവിധ തരത്തിലുള്ള ആസക്തികളില്‍ നിന്നും മാറാരോഗങ്ങളില്‍ നിന്നും സൗഖ്യവും, നിരാശ നിറഞ്ഞ ജീവിതത്തില്‍ പ്രത്യാശയും, പരിശുദ്ധാത്മാഭിഷേകത്തിലൂടെ യേശുവിന്റെ വാഗ്ദാനം തുടരുന്നു. ‘യുഗാന്തം വരെ എന്നും ഞാന്‍ നിങ്ങളോട് കൂടെയുണ്ടായിരിക്കും’ എന്ന ഉറപ്പും സാക്ഷാല്‍ക്കരിക്കപ്പെടുന്നു. ജപമാലയോട് കൂടെ ആരംഭിക്കുന്ന ശുശ്രൂഷയില്‍ ദൈവസ്തുതി ആരാധന, വിശുദ്ധ കുര്‍ബാന, അനുഭവ സാക്ഷ്യങ്ങള്‍, ദിവ്യകാരുണ്യ ആരാധന, സൗഖ്യ ശുശ്രൂഷ എന്നിവയും ഉണ്ടായിരിക്കും.
വിലാസം:
CHRIST THE KING CATHOLIC CHURCH
455 CHINGFORD ROAD
SOUTH CHINGFORD
LONDON
E485P
കൂടുതല്‍ വിവരങ്ങള്‍ക്ക്:
റൂഡോള്‍ഫ്: 07502266033
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല