അപ്പച്ചന്‍ കണ്ണഞ്ചിറ: വെസ്റ്റ്മിന്‍സ്റ്റര്‍ അതിരൂപതയിലെ സീറോ മലബാര്‍ കുര്‍ബ്ബാന കേന്ദ്രമായ സ്റ്റീവനേജില്‍ മാര്‍ച്ച് 18,19 തീയതികളില്‍ആത്മ വിശുദ്ധീകരണ ധ്യാനവും, 24 മുതല്‍ വിശുദ്ധ വാര ശുശ്രുഷകളും നടത്തപ്പെടുന്നു.പ്രമുഖ വചന പ്രഘോഷകനും,ദൈവ ശാസ്ത്ര പണ്ഡിതനുമായ ഫാ. തോമസ് അറത്തില്‍ വചന ശുശ്രുഷകള്‍ നയിക്കും.വെസ്റ്റ്മിന്‍സ്റ്റര്‍ അതിരൂപതയുടെ പുതിയ ചാപ്ലിന്‍ ഫാ.സെബാസ്റ്റ്യന്‍ ചാമക്കാലയില്‍വിശുദ്ധ വാര തിരുക്കര്‍മ്മങ്ങള്‍ക്ക് നേതൃത്വം വഹിക്കുന്നതായിരിക്കും.
മാര്‍ച്ച് 24 നു വ്യാഴാഴ്ച്ച പെസഹാ ആചരണം നടത്തപ്പെടും.വൈകുന്നേരം 3:30 നു അപ്പം മുറിക്കല്‍ ശുശ്രുഷയും, പാന വായനയും ഉണ്ടായിരിക്കുന്നതാണ്.
മാര്‍ച്ച് 25 നു ദുംഖ വെള്ളിയാഴ്ചയുടെ തിരുക്കര്‍മ്മങ്ങള്‍ വൈകുന്നേരം 5:30 മുതല്‍ രാത്രി 9:00 മണി വരെയാണ് ക്രമീകരിച്ചിരിക്കുന്നത്. കുരിശിന്റെ വഴി,പീഡാനുഭവ വായന,ദുംഖ വെള്ളി തിരുക്കര്‍മ്മങ്ങള്‍,നഗരി കാണിക്കല്‍ പ്രദക്ഷിണം, കയ്പ്പു നീര്‍ പാനം തുടര്‍ന്ന് നേര്‍ച്ചക്കഞ്ഞി വിതരണവും ഉണ്ടായിരിക്കുന്നതാണ്.
ലോകത്തിനു പ്രത്യാശയും, പ്രതീക്ഷയും,പകര്‍ന്നു നല്‍കിയ ഉയിര്‍പ്പ് തിരുന്നാള്‍ തിരുക്കര്‍മ്മങ്ങള്‍ മാര്‍ച്ച് 26 നു നു ശനിയാഴ്ച വൈകുന്നേരം 3:30 മണിക്ക് ആരംഭിക്കും.ചാപ്ലിന്‍ ഫാ.സെബാസ്റ്റ്യന്‍ ചാമക്കാലയില്‍ വിശുദ്ധവാര തിരുക്കര്‍മ്മങ്ങള്‍ക്ക് നേതൃത്വം വഹിക്കും.
വിശുദ്ധ വാര ശുശ്രുഷകളില്‍ ഭക്തി പൂര്‍വ്വം പങ്കു ചേര്‍ന്ന് അനുഗ്രഹങ്ങള്‍ പ്രാപിക്കുവാനും, ഉപവാസത്തിന്റെയും പ്രാര്‍ത്ഥനയുടെയും പരിത്യാഗതിന്റെയും നിറവിലായിരിക്കുന്ന നോമ്പ് കാലത്തിന്റെ പൂര്‍ണ്ണതയില്‍ ഉത്ഥാന അനുഭവത്തിന്റെ കൃപാവരങ്ങള്‍ നിറയുവാനും ചാപ്ലിന്‍ ഫാ.സെബാസ്റ്റ്യനും, പള്ളി കമ്മിറ്റി ഭാരവാഹികളും ഏവരെയും സസ്‌നേഹം ക്ഷണിക്കുന്നു.
കൂടുതല്‍ വിവരങ്ങള്‍ക്ക് ട്രസ്റ്റിമാരായ പ്രിന്‍സണ്‍ പാലാട്ടി ( 07429053226)
ടെറീന ഷിജി (07710176363) എന്നിവരുമായി ബന്ധപ്പെടുക.
പള്ളിയുടെ വിലാസം: സെന്റ് ഹില്‍ഡാ ചര്‍ച്ച്, ബ്രീക്‌സ്പീര്‍ ,എസ്ജി2 9എസ്‌ക്യു,സ്റ്റീവനേജ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല