സ്‌റ്റെഫിയുടെ നഗ്‌നചിത്രം കാണണോ; 4000 ഡോളര്‍ മുടക്കൂ

ലണ്ടന്‍: ജീവകാരുണ്യ പ്രവര്‍ത്തനത്തിന് പണം കണ്ടെത്താന്‍ ടെന്നിസ് താരം ആന്ദ്രേ അഗാസി പുതിയൊരു വഴി കണ്ടെത്തി. അല്പം കടന്ന കൈയാണെങ്കിലും ഇതിലൂടെ പണം വാരാമെന്നു തന്നെയാണ് അഗാസി കരുതുന്നത്.

ഭാര്യയും എക്കാലത്തെയും മികച്ച വനിതാ ടെന്നീസ് താരങ്ങളില്‍ ഒരാളുമായ സ്‌റ്റെഫി ഗ്രാഫിന്റെ നഗ്‌നചിത്രം കാണിച്ചാണ് അഗാസി പണം സമ്പാദിക്കാന്‍ ഒരുങ്ങുന്നത്! ഒരു നല്ല കാര്യത്തിനല്ലേ, അതിനാല്‍ ഭാര്യയുടെ നഗ്‌നത മറ്റുള്ളവര്‍ കണ്ടാലും തെറ്റില്ലെന്നാണ് അഗാസി പറയുന്നത്. ബ്രിട്ടനിലെ ദി സണ്‍ ദിനപത്രമാണ് ഈ വാര്‍ത്ത പുറത്തുകൊണ്ടുവന്നത്.

ഭാര്യയുടെ ചിത്രം അഗാസി ഫേസ് ബുക്കിലോ ട്വിറ്ററിലോ ഇടുമെന്നും അപ്പോള്‍ നെറ്റില്‍ കയറി ഡൗണ്‍ ചെയ്തു കാണാമെന്നും കരുതിയെങ്കില്‍ തെറ്റി. സ്‌റ്റെഫി പരിപൂര്‍ണ നഗ്‌നായി നില്‍ക്കുന്ന ചിത്രമുള്ളത് അഗാസിയുടെ സെല്‍ഫോണിലാണ്. ചിത്രം കാണിച്ചുതരുന്നത് അഗാസി തന്നെയായിരിക്കും. കുറഞ്ഞത് 4000 ഡോളര്‍ നല്കിയാലേ ചിത്രം കാണിച്ചുതരൂ.

ഒരു വാതുവയ്പ്പുകാരനെ അടുത്തിടെ അഗാസി ചിത്രം കാണിച്ചുകൊടുത്തു. ചിത്രം കണ്ട് വാതുവയ്പ്പുകാരന്‍ ഞെട്ടിയത്രേ. ഇതുപോലെ ഞെട്ടാന്‍ താത്പര്യമുള്ളവര്‍ക്ക് നാലായിരമോ അതില്‍ കൂടുതലോ ഡോളറുമായി തന്നെ സമീപിക്കാമെന്ന് അഗാസി തന്നെ ഒരു പൊതു ചടങ്ങില്‍ കഴിഞ്ഞ ദിവസം പറഞ്ഞു. ജനം കൈയടിയോടെയാണ് അഗാസിയുടെ വാക്കുകളെ എതിരേത്.

40 കാരനായ അഗാസിയും 41 കാരിയായ സ്‌റ്റെഫിയും ഒന്‍പതു വര്‍ഷം മുന്‍പാണ് വിവാഹിതരായത്. രണ്ടു മക്കളുണ്ട് അഗാസി-സ്‌റ്റെഫി ദമ്പതികള്‍ക്ക്. പണമുണ്ടാക്കാന്‍ ആഗാസി നടത്തുന്ന ഈ വിക്രിയയെക്കുറിച്ച് സ്‌റ്റെഫി പ്രതികരിച്ചില്ല.