100 തികച്ച് പത്താം മിനുട്ടില്‍ മരണം!

ആഗ്നസ് ആലിസണ്‍ മക്നോട്ടണ്‍ എന്ന സ്കോട്ടിഷ് സ്ത്രീയ്ക്ക് 100 വയസ്സ് വരെ ജീവിച്ചിരിക്കണം എന്ന് അതിയായ ആഗ്രഹം ഉണ്ടായിരുന്നു. ആ അഗ്രഹം അവര്‍ പൂര്‍ത്തീകരിച്ചു. നൂറ് തികഞ്ഞതിന്റെ പത്താം മിനുട്ടില്‍ അവര്‍ മരണത്തിന് കീഴടങ്ങുകയും ചെയ്തു.

മക്നോട്ടന്റെ നൂറാം പിറന്നാള്‍ ബുധനാഴ്ചയായിരുന്നു. പിറന്നാള്‍ വിപുലമായി ആഘോഷിക്കാന്‍ ബന്ധുക്കള്‍ തീരുമാനിച്ചതായിരുന്നു. എന്നാല്‍ ചൊവ്വാഴ്ച അര്‍ധരാത്രി 12:10-ന് മക്നോട്ടന്‍ മരിച്ചു.

മക്നോട്ടന്റെ കുടുംബാംഗങ്ങളില്‍ പലരും 90 വയസ്സ് കഴിഞ്ഞാണ് മരിച്ചത്. തനിക്ക് 100 വയസ്സ് വരെ ജീവിച്ചിരിക്കണമെന്ന് മക്നോട്ടന്‍ അതിയായി ആഗ്രഹിച്ചിരുന്നു എന്ന് അവരുടെ ബന്ധുവായ ഒരു സ്ത്രീ പറഞ്ഞു.