12 വയസ്സുകാരികളെ ‘ബലാല്‍സംഗം’ ചെയ്ത ഫുട്ബോള്‍ കളിക്കാരെ കോടതി വെറുതെ വിട്ടു.

മദ്യപിച്ച് അര്‍ദ്ധരാത്രി 12 കാരികളായ രണ്ട് പെണ്‍കുട്ടികളെ പാര്‍ക്കില്‍ വെച്ച് ബലാല്‍സംഗം ചെയ്തു എന്ന പേരില്‍ ജയിലിലേക്കയച്ച ആറ് ഫുട്ബോള്‍ കളിക്കാരെ പെണ്‍കുട്ടികള്‍ ആവശ്യപെട്ടിട്ടാണ് അവരുമായ് ലൈംഗികബന്ധം പുലര്ത്തിയതെന്നു കണ്ടെത്തിയതിനെ തുടര്‍ന്ന്‍ കോടതി വെറുതെ വിട്ടു.

ആഷ്‌ലി ഡോണ്‍ ചാള്‍സ് (20 ), കൊര്ട്ടനി ഒനീല്‍ ആമോസ് (20 ), ജോവാന്‍ ടെലാനി (19 ), ടെന്നീസ് ആര്‍തര്‍ ഡിസൂസ(19 ), ലൂക ജോസഫ് (21 ), ജോണ്‍ ടെറസ്(21 ) എന്നിവരെയാണ് കുറ്റക്കാരല്ലെന്നു കണ്ടെത്തി ബ്രിട്ടീഷ് കോര്‍ട്ട് വെറുതെ വിട്ടത്.

വാദം കേട്ട ജസ്റ്റിസ് മോസസ് പറയുന്നു ‘ പെണ്‍കുട്ടികള്‍ ആവശ്യപെട്ടിട്ടാണ് അവരുമായ് ബന്ധം പുലര്ത്തിയതെന്ന സ്ഥിതിയ്ക്ക് കുറ്റം ചുമത്തപെട്ട ഇവരെ ശിക്ഷിക്കുന്നത് ശരിയാണെന്ന് തോന്നുന്നില്ല.’
പാര്‍ക്കില്‍ വിളിച്ച് വരുത്തിയ ഈ പെണ്‍കുട്ടികളുടെ വസ്ത്രധാരണം പ്രായം കൂടുതല്‍ തോന്നിപ്പിക്കും വിധമായിരുന്നെന്നും, കൂടാതെ ഇവരുടെ ഫേസ്ബുക്ക് അടക്കമുള്ള സോഷ്യല്‍ നെറ്റ്വര്‍ക്കിംഗ് സൈറ്റുകളില്‍ അവര്‍ പ്രായം കൂട്ടിയാണ് കൊടുത്തിരിക്കുന്നതെന്നും അതുകൊണ്ട് തന്നെ പ്രതികളെന്ന് പറയുന്നവര്‍ക്ക് ഈ പെണ്‍കുട്ടികളുടെ പ്രായം അറിയില്ലായിരുന്നു കൂടാതെ ഈ പെണ്‍കുട്ടികള്‍ക്ക് ഇക്കാര്യത്തില്‍ പ്രതികളെന്ന് പറയുന്നവരേക്കാള്‍ പരിചയം ഉണ്ടെന്നും പ്രതിഭാഗം വാദിച്ചു.