സഖറിയ പുത്തന്‍കുളം
ഈ മാസത്തെ രണ്ടാം ശനിയാഴ്ച കണ്‍വെന്‍ഷന്‍ ഫാ. സോജി ഓലിക്കലിന്റെ നേതൃത്വത്തില്‍ ബഥേല്‍ കണ്‍വെന്‍ഷന്‍ സെന്ററില്‍ നടക്കും. രണ്ടു വര്‍ഷം മുമ്പ് നൂറില്‍ താഴെ വിശ്വാസികളുടെ പങ്കാളിത്തവുമായി ആരംഭിച്ച രണ്ടാം ശനിയാഴ്ച കണ്‍വെന്‍ഷനില്‍ ഇപ്പോള്‍ കുട്ടികള്‍ അടക്കം ആയിരക്കണക്കിന് വിശ്വാസികളാണ് പങ്കെടുക്കുന്നത്. കുട്ടികള്‍ക്കായി വിവിധ പ്രായത്തിന്റെ അടിസ്ഥാനത്തില്‍ പ്രത്യേക വചന ശുശ്രൂഷയും ദിവ്യകാരുണ്യാരാധനയും നടത്തും.
രണ്ടാം ശനിയാഴ്ച കണ്‍വെന്‍ഷനില്‍ ലോക പ്രശസ്ത വചന പ്രഘോഷകര്‍ പ്രഭാഷണങ്ങളിലും വിവിധ ശുശ്രൂഷകളിലും ഭാഗമാകും. ഈ മാസത്തിനു പുറമെ സെപ്റ്റംബര്‍, ഒക്‌ടോബര്‍, ഡിസംബര്‍ മാസങ്ങളിലും രണ്ടാം ശനിയാഴ്ച കണ്‍വെന്‍ഷന്‍ ബഥേല്‍ കണ്‍വെന്‍ഷന്‍ സെന്ററിലായിരിക്കും നടക്കുക. പാലക്കാട് രൂപതാധ്യക്ഷന്‍ മാര്‍ ജേക്കബ് മനത്തോടത്ത്, പ്രശസ്ത വചന പ്രഘോഷകന്‍ ഫാ. ഡൊമിനിക് വളംമനാല്‍ എന്നിവര്‍ സംബന്ധിക്കുന്ന ജൂലൈ മാസത്തിലെ കണ്‍വെന്‍ഷന്‍ കവന്‍ട്രിയിലെ സ്റ്റോണ്‍ലീ പാര്‍ക്കില്‍ നടത്തപ്പെടും.
ഓഗസ്റ്റ്, നവംബര്‍ മാസങ്ങളില്‍ യഹോവായിരെ കണ്‍വെന്‍ഷന്‍ നയിക്കുന്നത് യഥാക്രമം ഫാ. മാത്യു നായ്ക്കനാംപറമ്പില്‍, ഫാ. സേവ്യര്‍ ഖാന്‍ വട്ടായില്‍ എന്നിവരാണ്.ശുശ്രൂഷ നടത്തപ്പെടുന്നത് നോട്ടിംഗ്ഹാം അരീനയിലുമാണ്. ഫാ. സോജി ഓലിക്കല്‍ നേതൃത്വം നല്‍കുന്ന യു.കെ. സെഹിയോന്‍ മിനിസ്ട്രിയില്‍ വിടുതല്‍ ശുശ്രൂഷകനായ ഫാ. ജോമോന്‍ തൊമ്മനയും സംയുക്തമായി നല്‍കപ്പെടുന്ന വിശ്വാസാഗ്നി യു.കെയിലും കത്തിപ്പടരുകയാണ്.
ഈ മാസത്തെ കണ്‍വെന്‍ഷന്‍ വേദി വിലാസം-
Bethel Convention Centre
Kelvin Way
West Bromwich
B70 7JW
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല