മാണിക്യക്കല്ല് എന്ന ചിത്രത്തിന് ശേഷം എം മോഹനന്‍ സംവിധാനം ചെയ്യുന്ന ചിത്രമാണ് ‘916’. ഈ ചിത്രത്തില്‍ അനൂപ് മേനോനും ആസിഫ് അലിയുമാണ് നായകന്‍‌മാരാകുകയെന്ന് നേരത്തെ വെബ്‌ദുനിയ റിപ്പോര്‍ട്ട് ചെയ്തിരുന്നു. ഈ ചിത്രത്തില്‍ മംമ്ത മോഹന്‍‌ദാസ് അനൂപ് മേനോന്റെ നായികയാകുന്നുവെന്നതാണ് ഏറ്റവും പുതിയ വാര്‍ത്ത. ഇതാദ്യമായാണ് അനൂപ് മേനോനും മം‌മ്തയും ഒന്നിക്കുന്നത്.
ജവാന്‍ ഓഫ് വെള്ളിമലയില്‍ മമ്മൂട്ടിയുടെ നായികയെ അവതരിപ്പിക്കുന്നത് മം‌മ്‌തയാണ്. മൈ ബോസ്സില്‍ ദിലീപിന്റെ നായികയായാണ് മം‌മ്‌തയെത്തുക. ശ്യാമപ്രസാദിന്റെ അരികെയാണ് മംമ്ത നായികയായി പ്രദര്‍ശനത്തിന് ഒരുങ്ങിയ പുതിയ ചിത്രം.
എം മോഹനന്‍ തിരക്കഥയൊരുക്കി സംവിധാനം ചെയ്യുന്ന ‘916’ല്‍ ഡോ രവികുമാര്‍ എന്ന കഥാപാത്രത്തെയാണ് അനൂപ് അവതരിപ്പിക്കുന്നത്. ഈ കഥാപാത്രത്തിന്റെ നായികയാ‍ണ് മംമ്ത അഭിനയിക്കുക. ഐ ടി വിദ്യാഭ്യാസം കഴിഞ്ഞ് ജോലി അന്വേഷിച്ചു നില്‍ക്കുന്ന കഥാപാത്രമായാണ് ആസിഫ് അലി വേഷമിടുന്നത്. മുകേഷ് ബാബുരാജ്, സലിംകുമാര്‍ തുടങ്ങിയവരും ചിത്രത്തില്‍ പ്രധാന വേഷങ്ങളിലെത്തുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല