നാടിനെ സ്നേഹിക്കുന്നതിനും,നാട്ടുകാരുമായുള്ള ബന്ധം നിലനിര്‍ത്തുന്നതിനും വളരെയധികം പ്രാധാന്യം കല്‍പ്പിക്കുന്നവരാണ്.യു കെയിലെ മലയാളികള്‍.അതുകൊണ്ട് തന്നെ ദേശങ്ങള്‍ തിരിച്ചുള്ള കൂട്ടായ്മകള്‍ ഇപ്പോള്‍ യു കെയില്‍ സര്‍വ സാധാരണമാണ്.ആറേഴു വര്‍ഷം മുന്‍പ് തുടങ്ങിയ ദേശക്കൂട്ടായ്മകള്‍ ഒന്നോ രണ്ടോ ആയിരുന്നെങ്കില്‍ ഇന്നത്‌ ഇരുപതിന് മുകളിലാണ് .
അങ്ങിനെ സ്വന്തം നാടിന്റെ പേരില്‍ ഒത്തു ചേരുന്നവരുടെ ആദ്യ സംഗമങ്ങള്‍ക്ക് ഇന്ന് തിരശീല ഉയരുകയാണ്.ഇനിയുള്ള രണ്ടു മാസങ്ങള്‍ സംഗമങ്ങളുടെതായിരിക്കും.ഇന്ന് നടക്കുന്ന സംഗമങ്ങള്‍ താഴെപ്പറയുന്നവയാണ് .
അരീക്കര സംഗമം ഇന്ന് ചെല്‍ട്ടന്‍ഹാമില്‍
മെയ് മാസം 28ന് ശനിയാഴ്ച്ച രാവിലെ ഒന്‍പതരയ്ക്ക് ആരംഭിക്കുന്ന കൂട്ടായ്മ ചെല്‍ത്തനാം എന്ന സ്ഥലത്താണ് ഈവര്‍ഷം ആഘോഷിക്കുന്നത്. ഓരോവര്‍ഷവും ഇംഗ്ലണ്ടിലെ വിവിധഭാഗങ്ങളില്‍ വെച്ച് നടത്തപ്പെടുന്ന അരീക്കരസംഗമത്തില്‍ 120 ഓളം വരുന്ന കുടുംബങ്ങളില്‍ നിന്നുള്ളവരില്‍ എല്ലാവരും പങ്കെടുക്കാറുണ്ട്.കുട്ടികളുടെ കലാപരമായ കഴിവുകള്‍ വളര്‍ത്താനുതകുന്ന വിവിധ കലാരൂപങ്ങള്‍ സ്റ്റേജുകളില്‍ അവതരിപ്പിച്ചു പോരുന്നു. സ്ത്രീകള്‍ക്കും കുട്ടികള്‍ക്കും മുതിര്‍ന്നവര്‍ക്കും ഒരുപോലെ പങ്കെടുക്കാവുന്ന കായികമല്‍സരങ്ങള്‍ വടംവലി പോലുള്ള ശക്തിപരീക്ഷണങ്ങള്‍ മുതലായവ കൂട്ടായ്മയ്ക്ക് രസംപകരുന്നുണ്ട്.
ക്വിസ് മല്‍സരങ്ങള്‍, അ്ന്താക്ഷരി, ഗാനമേള തുടങ്ങിയ വിനോദോപാധികള്‍ നിറച്ച പകല്‍ ഏവരെയും സംഗമത്തിലേക്ക് ആകര്‍ഷിക്കുന്നു. നാട്ടിലേയും വീട്ടിലേയും വിശേഷങ്ങള്‍ പങ്കുവെയ്ക്കാനുള്ള വേദികൂടിയാണ് സംഗമങ്ങള്‍.
നാടിനും നാട്ടാര്‍ക്കും സഹായമെത്തിക്കാനും ്അരീക്കര കൂട്ടായ്മ സഹായിക്കുന്നു. മുന്നുവര്‍ഷം സാമ്പത്തികമായി പിന്നോക്കം നിന്നിരുന്ന കുട്ടികള്‍ക്ക് വിദ്യാഭ്യാസത്തിനുള്ള തുക എത്തിക്കാന്‍ സാധിച്ചത് കൂട്ടായ്മയുടെ വിജയമാണെന്നു പറയാം. ഓരോ വര്‍ഷവും തങ്ങളാല്‍ കഴിയുന്ന സഹായം ഓരോ വീട്ടുകാരും ചെയ്യുന്നുണ്ട്.
സംഗമം നടക്കുന്ന സ്ഥലത്തെ അഡ്രസ്
churchdown community centre
parton road
churchdown
gloucestershire
gl3jh
കിടങ്ങൂര്‍ സംഗമം ഇന്ന് കെറ്ററിങ്ങില്‍
കിടങ്ങൂര്‍ സംഗമത്തിനുള്ള ഒരുക്കങ്ങള്‍ പൂര്‍ത്തിയായി. കിടങ്ങൂര്‍ സ്വദേശികള്‍ കെറ്ററിങ്ങില്‍ ഒരുമിക്കാനുള്ള ആവേശത്തിലാണ്. ഇതിനോടകം തന്നെ യു.കെ.യിലെ പ്രശസ്ത സംഗമമായി മാറിക്കഴിഞ്ഞ കിടങ്ങൂര്‍ സംഗമം ഇത്തവണയും വിപുലമായ ഒരുക്കങ്ങളോടെയാണ് നടക്കുന്നത്. കലാകായിക പരിപാടികള്‍, ഗെയിമുകള്‍ അങ്ങനെ ഒരു ദിവസം മുഴുവന്‍ ആസ്വാദ്യകരമാക്കുന്ന പരിപാടികളാണ് അണിയറയില്‍ ഒരുങ്ങിയിരിക്കുന്നത്
സംഗമം നടക്കുന്ന വേദിയുടെ വിലാസം.
VENUE SOCIAL CLUB
KETERING GENERAL HOSPITAL
ROTHWELL RD
KETERING
NN16 8UZ
പിറവം സംഗമം ഇന്നും നാളെയും ബര്‍മിംഗ് ഹാം ഹോളിഡേ ഇന്‍ ഹോട്ടലില്‍
ആറാമത് യുകെ പിറവം സംഗമം മെയ് ഇന്നും നാളെയുമായി ബര്‍മിംഗ് ഹാം ഹോളിഡേ ഇന്‍ ഹോട്ടലില്‍ നടക്കും.
സംഗമത്തിന്റെ മുഖ്യാതിഥി പിറവം പ്രവാസി പ്രസിഡന്റും അമേരിക്കക്കാരനുമായ വിന്‍സന്റ് ബോസ് ആണ്.
ഇന്ന് ഉച്ചകഴിഞ്ഞ് രണ്ടിന് ഗെയിംസ് സംഗമത്തിന് തുടക്കംകുറിക്കും. ന്യൂ കാസില്‍ ബ്രദേഴ്‌സിന്റെ ചെണ്ടമേളത്തോടെ പരിപാടികള്‍ ആരംഭിക്കും. ജനറല്‍ ബോഡി മീറ്റിങ്ങില്‍ വിവിധ കലാപരിപാടികള്‍ അവതരിപ്പിക്കുന്നതാണ്.
രാത്രി 7.30ന് ഡിന്നര്‍.തുടര്‍ന്ന് നോട്ടിംഗ്ഹാം ബോയ്‌സ് അവതരിപ്പിക്കുന്ന ഗാനമേള നടക്കും. നാളെ ഉച്ചയ്ക്ക് 12ഓടെ സംഗമം സമാപിക്കും.ഇതാദ്യമായാണ് ഒരു 5 സ്റ്റാര്‍ ഹോട്ടലില്‍ സംഗമം നടക്കുന്നത്.
രണ്ടാമത് മണിമല സംഗമം ഇന്ന് ലണ്ടനിലെ ആസ്‌കോട്ടില്‍
മണിമല നിവാസികളുടെ രണ്ടാമത് സംഗമം മെയ് 28 നെ ഉച്ചക്ക് 2 മണിമുതല്‍ വൈവിധ്യമാര്‍ന്ന കലാപരിപാടികളോടെ ലണ്ടനിലെ ആസ്‌കോട്ടില്‍ വച്ച് നടത്തുന്നതാണ് .ഹീത്രൂ വിമാനത്താവളത്തില്‍ നിന്നും ഏകദേശം പത്ത് മൈല്‍ ദൂരത്താണ് സ്ഥലം.
പ്രോഗ്രാം നടക്കുന്ന സ്ഥലം
Sunningdale Village Hall, Church road
Sunningdale, Berkshire, SL5 0NJ
മേരിക്കുന്ന് നിര്‍മ്മല ഹോസ്പിറ്റല്‍ നേഴ്‌സസ് റീയൂണിയന്‍ ഞായറാഴ്ച ഡെര്‍ബിയില്‍
കോഴിക്കോട് ജില്ലയിലെ പ്രമുഖ നേഴ്‌സിങ് പരിശീലന കേന്ദ്രമായ മേരിക്കുന്ന് നിര്‍മ്മല ഹോസ്പിറ്റലിലെ യുകെ പ്രവാസി നേഴ്‌സസ് തങ്ങളുടെ സംഗമം ഡെര്‍ബിയില്‍ 29ന് ഞായറാഴ്ച നടത്തുന്നു
റീയൂണിയന്‍ വേദി
Sinfin Moor Social Club.Sinfin,
Derby, DE24 3DH
പൂഴിക്കോല്‍ സംഗമം ഇന്ന് കെന്റില്‍
നെടുമ്പാശ്ശേരി സംഗമം ഇന്ന് ബിര്‍മിംഗ്ഹാമില്‍
ഹോളി ഫാമിലി സംഗമം ഇന്ന് മാഞ്ചസ്റ്ററില്‍
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല