റോജിമോന്‍ വര്‍ഗീസ്
മലങ്കര ഓര്‍ത്തഡോക്‌സ് സഭയുടെ വെസ്റ്റ് സസക്‌സിലുള്ള ക്രോളി ഹോളി ട്രിനിറ്റി ഇടവകയില്‍ ഏപ്രില്‍ 11ന് മലബാര്‍ ഭദ്രാസന മെത്രാപ്പൊലീത്ത ഡോ സഖറിയ മാര്‍ തീയോഫീലോസ് തിരുമേനി കുര്‍ബാന അര്‍പ്പിക്കുന്നു. സഭയുടെ വിദ്യാര്‍ത്ഥി പ്രസ്ഥാനം ജനറല്‍ സെക്രട്ടറിയായി പ്രവര്‍ത്തിക്കുകയും സഭയുടെ ഭവനദാന പദ്ധതി, വിവാഹധനസഹായ നിധി, ഡീ അഡിക്ഷന്‍ സെന്റര്‍, സൗജന്യ ഡയാലിസിസ് സെന്റര്‍ തുടങ്ങിയ കര്‍മ്മ പദ്ധതികള്‍ക്ക് നേതൃത്വം നല്‍കുന്ന പിതാവിന് അന്നേ ദിവസം രാവിലെ ഒമ്പത് മണിക്ക് ഇടവകയുടെ നേതൃത്വത്തില്‍ സ്വീകരണം നല്‍കും. തുടര്‍ന്ന് വന്ദ്യ തിരുമേനിയുടെ മുഖ്യ കാര്‍മികത്വത്തില്‍ വി കുര്‍ബാന അര്‍പ്പിക്കുകയും ക്രോളി ഗ്രീന്‍ഫീല്‍ഡ് ബാപ്റ്റിസ്റ്റ് ചര്‍ച്ചില്‍ നടത്തപ്പെടുന്ന ദിവ്യബലിയില്‍ സമീപപ്രദേശങ്ങളിലുള്ള എല്ലാ സഭാ വിശ്വാസികളേയും സ്വാഗതം ചെയ്യുന്നതായി ഭാരവാഹികള്‍ അറിയിച്ചു.
വികാരി ഫാ തോമസ് പി ജോണ്‍ 07957440736
ട്രസ്റ്റി ഷാബു കുര്യന്‍ 07878176342
സെക്രട്ടറി ബിജു പോള്‍ 07479955824
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല