ജോസ് മാത്യു
ഇപ്പോള്‍ യു കെ സന്ദര്‍ശിച്ചു കൊസ്ഥിരിക്കുന്ന, മലങ്കരയുടെ യാക്കോബ് ബുര്‍ദന ശ്രേഷ്ഠ കാതോലിക്ക ആബുന്‍ മോര്‍ ബസ്സേലിയോസ് തോമസ് പ്രഥമന്‍ ബാവയ്ക്ക്് സ്വീകരണത്തിനായി മാന്‍ചെസ്റ്റര്‍ ഒരുങ്ങുന്നു. മലങ്കര യാക്കോബായ സുറിയാനി സഭയുടെ നോര്‍ത്തു വെസ്റ്റിലുള്ള വിശ്വാസികള്‍ എല്ലാം ജൂലൈ 12 നു ഞായറാഴ്ച ( നാളെ) മാന്‍ചെസ്റ്ററില്‍ ഒത്തു ചേരുന്നു. രാവിലെ 9.30 നു മാന്‍ചെസ്റ്റര്‍ സെന്റ് മേരീസ് യാക്കോബായ സുറിയാനി ഇടവകയില്‍ എത്തിച്ചേരുന്ന ശ്രേഷ്ഠ ബാവയ്ക്ക് ഇടവകയുടെ നേതൃത്വത്തില്‍ സുറിയാനി പാരമ്പര്യത്തില്‍ ഊഷ്മളമായ സ്വീകരണം നല്‍കുന്നു.
പത്തുവര്‍ഷത്തിലേറെ പഴക്കമുള്ള ഈ ദേവാലയത്തില്‍ ശ്രേഷ്ഠ ബാവ ആദ്യമായാണെഴുന്നള്ളുന്നത്. സഭയിലെ അനേകം വൈദികരും, യു. കെ യുടെ വിവിധ ഭാഗങ്ങളില്‍ നിന്നും എത്തിച്ചേരുന്ന വിശ്വാസികളും പങ്കെടുക്കുന്ന ഈ സ്വീകരണ പരിപാടികളും, ദിവ്യ ബലി യും ഈ ഇടവകയേ സം ബന്ധിച്ചിടത്തോളം അങ്ങേയറ്റം പ്രാധാന്യമേറിയ ഒന്നായതിനാല്‍ ശ്രേഷ്ഠ ബാവയുടേ മാന്‍ചെസ്റ്റര്‍ ഇടവകയിലെ പ്രഥമമായ ഈ സന്ദര്‍ശനം അത്യന്തം ഭംഗിയുള്ളതാക്കുവാന്‍ ഇടവകംഗങ്ങള്‍ എല്ലാ രിതിയിലും പരിശ്രമിക്കുന്നു. ബാവയുടേ ഈ സന്ദര്‍ശനം നോര്‍ത്തുവെസ്റ്റിലുള്ള സഭയുടെ വളര്‍ച്ചയില്‍ ഒരു നാഴികകല്ലാകുമെന്നതില്‍ സംശയമില്ല.
സ്വീകരണാനന്തരം ശ്രേഷ്ഠ ബാവയുടെ മുഖ്യ കാര്‍മ്മികത്വത്തില്‍ പ്രഭാത പ്രാര്‍ത്ഥനയും വിശുദ്ധ കുര്‍ബാനയും, അനുഗ്രഹ സന്ദേശവും, ആശീര്‍വാദവും തുടര്‍ന്നു സ്‌നേഹവിരുന്നും ക്രമീകരിച്ചിരിക്കുന്നു. വിശ്വാസികള്‍ എല്ലാവരും സ്വീകരണ ചടങ്ങിലും തുടര്‍ന്നു നടക്കുന്ന വി.കുര്‍ബാനയിലും നേരത്തെ തന്നെ എത്തിച്ചേര്‍ന്ന് ഇതു വന്‍ വിജയമാക്കിത്തീര്‍ക്കുവാന്‍ അഭ്യര്‍ഥിക്കുന്നു.
പള്ളിയുടെ അഡ്രസ്
St.Francis Church, Budworth Road, Sale Moor, Manchester, M33 2RP
കൂടുതല്‍ വിവരങ്ങള്‍ക്ക്
സഹ. വികാരി. എല്‍ദോസ് വട്ടപ്പറമ്പില്‍ . 07402229347
സെക്രട്ടറി. ബിജോയ് ഏലിയാസ് . 07402958879
ട്രഷറാര്‍. റെജി തോമസ് . 07588585949
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല