സ്വന്തം ലേഖകന്‍: ഭിക്ഷാടകനായി തെരുവില്‍ ഫുട്‌ബോള്‍ കളിച്ച ക്രിസ്റ്റ്യാനോ റൊണാള്‍ഡോ ആരാധകരെ ഞെട്ടിച്ചു. മാഡ്രിഡിലെ തിരക്കുള്ള ഒരു തെരുവിലായിരുന്നു താരത്തിന്റെ കുസൃതി. ഭിക്ഷാടകന്റെ വേഷത്തില്‍ ക്രിസ്റ്റ്യാനോ റൊണാള്‍ഡോ തെരുവില്‍ ഫുട്‌ബോള്‍ കളിക്കുന്ന സ്വപ്നത്തില്‍ പോലും കരുതാത്ത ആളുകള്‍ വാപൊളിച്ചു പോയി ഭിക്ഷക്കാരന്റെ പ്രകടനം കണ്ട്. മാന്‍ഡ്രിഡിലെ തിരക്കേറിയ ഒരു തെരുവിലാണ് വഴിപോക്കരെ വിസ്മയിപ്പിച്ച് ഒരു ഭിക്ഷക്കാരന്‍ ഫുട്‌ബോള്‍ കൊണ്ട് പ്രകടനം നടത്തിയത്. ഇതോടെ കാഴ്ചക്കാര്‍ ശ്രദ്ധിക്കാന്‍ തുടങ്ങി, ചിലര്‍ ഭിക്ഷക്കാരനോട് ഒപ്പം ഫുട്‌ബോളും കളിക്കാന്‍ തുടങ്ങി. ആള്‍ക്കൂട്ടം പെരുകാന്‍ തുടങ്ങിയതോടെ ഒരു കുട്ടിക്ക് ഫുട്‌ബോള്‍ സമ്മാനിച്ച് ക്രിസ്റ്റ്യാനോ തന്റെ തനിസ്വരൂപം വെളിവാക്കുകയും ചെയ്തു. സംഭവത്തിന്റെ വീഡിയോ ഉടനടി യൂട്യൂബില്‍ വൈറല്‍ ആകുകയും ചെയ്തു. ക്രിസ്റ്റ്യാനോയുടെ പേരിലുള്ള ഹെഡ് സെറ്റ് വിപണിയില്‍ ഇറക്കുന്നതിന്റെ പ്രചരണാര്‍ഥമായിരുന്നു ഈ പ്രകടനം. തിങ്കളാഴ്ചയാണ് ഈ വീഡിയോ ക്രിസ്റ്റ്യാനോ ഫേസ്ബുക്കില്‍ ഇട്ടത്. എന്തായാലും ഭിക്ഷക്കാരന്റെ മിന്നല്‍ പ്രകടനം കാണാന്‍ ആരാധകരുടെ തിരക്കാണിപ്പോള്‍.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല