Posted By: Nri Malayalee June 13, 2011

മലയാളി ആര്‍ച്ച് ബിഷപ്പിന് സമാധാനത്തിനുള്ള നൊബേല്‍ നാമനിര്‍ദ്ദേശം

മലയാളി ആര്‍ച്ച് ബിഷപ്പിന് സമാധാനത്തിനുള്ള നൊബേല്‍ നാമനിര്‍ദ്ദേശം. ഗുവാഹത്തി ആര്‍ച്ച്‌ ബിഷപ്പ്‌ മാര്‍ തോമസ്‌ മീനംപറമ്പിലി(74)നെയാണ്‌ സമാധാനത്തിനുള്ള നൊബേല്‍ സമ്മാനത്തിനായി നാമനിര്‍ദ്ദേശം ചെയ്തിരിക്കുന്നത്.

വടക്കു – കിഴക്കന്‍ മേഖലയിലെ വംശീയ പ്രശ്നങ്ങള്‍ക്ക്‌ പരിഹാരം കാണാനായി നടത്തിയ ശ്രമങ്ങള്‍ പരിഗണിച്ചാണ് ആര്‍ച്ച്‌ ബിഷപ്പിനെ നൊബേലിനായി നാമനിര്‍ദ്ദേശം ചെയ്തിരിക്കുന്നത്.പാലാ സ്വദേശിയായ ആര്‍ച്ച്‌ ബിഷപ്പ്‌ മാര്‍ തോമസ്‌ മീനംപറമ്പില്‍ 1995 മുതല്‍ ഗുവാഹത്തി ആര്‍ച്ച് ബിഷപ്പാണ്.

ബോഡോ – ആദിവാസി പ്രശ്നം, ബോഡോ – മുസ്‌ലീം പ്രശ്നം, റാബാ – ഗാരോ പ്രശ്നം തുടങ്ങിയ വംശീയ പ്രശ്നങ്ങള്‍ പരിഹരിക്കുന്നതില്‍ ആര്‍ച്ച് ബിഷപ്പ് നടത്തിയ സേവനങ്ങളെയാണ് പരിഗണിച്ചിരിക്കുന്നത്. ലോക സമാധാനത്തിനായി എന്ത് ത്യാഗത്തിനും തയ്യാറാണെന്ന് നൊബേല്‍ നാമനിര്‍ദ്ദേശ വാര്‍ത്തയോട് പ്രതികരിക്കവേ ആര്‍ച്ച് ബിഷപ്പ് പറഞ്ഞു