ജോസ് മാത്യു
യാക്കോബായ സുറിയാനി ഓര്‍ത്തഡോക്‌സ് സഭയുടെ യു കെ റീജിയന്റെ ഏഴാമത് കുടുംബ സംഗമത്തിനുള്ള രജിസ്‌ട്രേഷന്‍ ഓക്‌സ് ഫോര്‍ഡ് സെന്റ് പീറ്റര്‍ ആന്‍ഡ് സെന്റ് പോള്‍സ് ഇടവകയില്‍ ആരംഭിച്ചു. ഈ കഴിഞ്ഞ ആഴ്ച ഇടവയില്‍ വിശുദ്ധ കുര്‍ബാനന്തരം നടന്ന ചടങ്ങില്‍ ഇടവക വികാരി റവ. ഫാ. ഗീവര്‍ഗീസ തണ്ടായ ത്ത് ഇടവക കമ്മറ്റിയംഗം ജോസ് സി. വര്‍ക്കിയില്‍ നിന്നും ആദ്യ രജിസ്‌ട്രേഷന്‍ സ്വീകരിച്ചു കൊണ്ട് ഉത്ഘാടനം നിര വഹിച്ചു. തദവസരത്തില്‍ ഡീക്കന്‍ ഫിലിപ്പ് തോമസും, യു കെ റീജിയണല്‍ കൌണ്‍സില്‍ അംഗം ജിത്തു എബ്രഹാം, ഇടവക സെക്രടറി സിബി കുര്യാക്കോസ് ഒപ്പം എല്ലാ ഇടവകാംഗങ്ങളും സന്നിഹിതരായിരുന്നു. യു കെ റീജിയണ്‍ എല്ലാ വര്ഷവും നടത്തിവരാറുള്ള കുടുംബ സംഗമം ഈവര്‍ഷം സെപ്റ്റംബര്‍ 12, 13 തീയതികളില്‍ അബര്‍ദീനില്‍ വച്ച് നടത്തപ്പെടുന്നു. അബര്‍ദീന്‍ സെന്റ് ജോര്ജ് യാക്കോബായ സുറിയാനി ഓര്‍ത്തഡോക്‌സ് ഇടവകയുടെ ആധിതേയത്തില്‍ നടത്തപ്പെടുന്ന കോണ്‍ഫരണ്‍സിനുള്ള ഒരുക്കങ്ങള്‍ പുരോഗമിക്കുന്നു
ആകമാന സുറിയാനി ഓര്‍ത്തഡോക്‌സ് സഭയുടെ പരമ മേലധ്യക്ഷ ന് പരിശുദ്ധ പാത്രയര്‍ക്കീസ് ബാവയുടെയും, കിഴക്കിന്റെ കാതോലിക്ക ആബൂന്‍ മോര് ബസ്സേലിയോസ് തോമസ് പ്രഥമന്‍ കാതോലിക്ക ബാവയുടേയും ആശീര്‍വാദത്തോടുകൂടി പരിശുദ്ധ സഭയുടെ യുകെ പാത്രയര്‍ക്കല്‍ വികാരി അഭിവന്യ സഖറിയാസ് മോര് ഫീലക്‌സീനോസ് തിരുമേനിയുടെ ആത്മീയ മേലധ്യക്ഷതയില്‍ യു കെ റീജിയണിലെ എല്ലാ വൈദീകരും, ഡീക്കന്മാരും, കൌണ്‍സില്‍ അംഗങ്ങളും, ഇടവകഅംഗങ്ങളും ഒന്നിക്കുന്ന കുടുംബ സംഗമം അത്യന്തം പ്രാധാന്യമേറിയ ഒന്നാണല്ലോ.
ആയതിനാല്‍ എല്ലാ സഭാ അംഗങ്ങളും അവധി കരമീകരിച്ഛ് ഈ കോണ്‍ഫരന്‍സില്‍ പങ്കെടുത്തനുഗ്രഹീതരാകുവാന്‍ യു കെ സഭാ കൌണ്‍സില്‍ അറിയിക്കുന്നു
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല