സാബു ചുണ്ടക്കാട്ടില്‍
അണക്കര മരിയന്‍ ധ്യാനകേന്ദ്രം ഡയറക്ടര്‍ ഡൊമിനിക് വാളര്‍വനാല്‍ നയിച്ച കൃപാനുഭവധ്യാനം സമാപിച്ചു. 14, 15,16 തിയതികളില്‍ ബെല്‍ഫാസ്റ്റ് സെന്റ് ലൂയിസ് സ്‌കൂള്‍ഹാളില്‍ വെച്ച് നടന്ന ധ്യാനത്തില്‍ യുകെയുടെയും അയര്‍ലണ്ടിന്റെയും വിവിധ ഭാഗങ്ങളില്‍നിന്നും നിരവധി പേര്‍ പങ്കെടുത്തു.
ധ്യാനസമാപനത്തില്‍ സൗണ്‍ ആന്റ് കോണര്‍ രൂപതാ മെത്രാന്‍ ബിഷപ് നോയല്‍ ട്രേനര്‍ സന്ദേശം നല്‍കി. ധ്യാനഗുരു ഡോ ഡൊമിനിക് ധ്യാനസമാപനത്തില്‍ നടത്തിയ ആരാധന വിടുതലിന്റെയും അഭിഷേകത്തിന്റെയും കൃപാനുഭവമായിരുന്നു. സീറോ മലബാര്‍ നാഷണല്‍ കോര്‍ഡിനേറ്റര്‍ ഡോ. ആന്റണി പെരുമായന്‍ ധ്യാനഗുരുവിനും ധ്യാനവിജയത്തിനായി യത്‌നിച്ച വോളണ്ടിയേഴ്‌സിനും നന്ദി പറഞ്ഞു. അടുത്ത വര്‍ഷം ഓഗസ്റ്റ് 19,20,21 തിയതികളില്‍ ഫാ. ഡൊമിനിക് ബെല്‍ഫാസ്റ്റ് ബൈബിള്‍ കണ്‍വെന്‍ഷന്‍ എന്ന പ്രഖ്യാപനം എല്ലാവരും പ്രാര്‍ത്ഥനയോടെയാണ് സ്വീകരിച്ചത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല