അലക്‌സ് വര്‍ഗീസ്
സെന്റ് മേരീസ് യാക്കോബായ സുറിയാനി ഓര്‍ത്തഡോക്‌സ് ഇടവകയില്‍ വി. ദെവമാതാവിന്റെ ഓര്‍മ പെരുന്നാള്‍ ഭക്തിപൂര്‍വം കൊണ്ടാടുന്നു. നാളെ (22/8) വൈകിട്ട് 5.30ന് കൊടിയേറ്റത്തോടെ തിരുനാള്‍ തിരുകര്‍മങ്ങള്‍ ആരംഭിക്കും. തുടര്‍ന്ന് പ്രാര്‍ഥന, സുവിശേഷ പ്രസംഗം, ആശീര്‍വാദം തുടങ്ങിയവയുമുണ്ടായിരിക്കും.
പ്രധാന തിരുനാള്‍ ദിനമായ ഞായറാഴ്ച രാവിലെ 9.30ന് പ്രഭാത പ്രാര്‍ഥന തുടര്‍ന്ന് അങ്കമാലി ഭദ്രാസനത്തിന്റെ പെരുമ്പാവൂര്‍ മേഖലയുടെ ചുമതലയുള്ള മെത്രാപ്പോലീത്ത റവ. മാര്‍ മാത്യൂസ് മാര്‍ അപ്രേം തിരുമേനിയുടെ പ്രധാന കാര്‍മികത്വത്തില്‍ നടക്കുന്ന ആഘോഷമായ വി. മൂന്നിന്മേല്‍ കുര്‍ബാനയും പ്രദക്ഷിണവും ഉണ്ടായിരിക്കും. വി. കുര്‍ബാനയ്ക്കുശേഷം ഉത്പന്നലേലം, നേര്‍ച്ചസദ്യ തുടങ്ങിയവ ഉണ്ടായിരിക്കുന്നതാണ്.
തിരുനാളില്‍ സംബന്ധിച്ച് ദൈവമാതാവായ കന്യകാമറിയത്തിന്റെ അനുഗ്രഹങ്ങള്‍ പ്രാപിക്കുവാന്‍ എല്ലാവരെയും പള്ളി കമ്മിറ്റിക്കുവേണ്ടി വികാരി ഫാ. സിബി വാലയില്‍ ഹാര്‍ദ്ദവമായി ക്ഷണിച്ചുകൊള്ളുന്നു. കൂടുതല്‍ വിവരങ്ങള്‍ക്ക് താഴെപ്പറയുന്നവരുമായി ബന്ധപ്പെടുക. ബിജോയ് ഏലിയാസ് (സെക്രട്ടറി) 07402958879, റെജി (ട്രസ്റ്റി) 01616141454
ദേവാലയത്തിന്റെ വിലാസം:
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല