ജോസ് കുമ്പിളുവേലില്‍
ബര്‍ലിന്‍: ഓവര്‍സീസ് ഇന്‍ഡ്യന്‍ കള്‍ച്ചറല്‍ കോണ്‍ഗ്രസ് (ഒ.ഐ.സി.സി) യുകെ വിഭാഗത്തിന്റെ അംഗത്വപ്രചാരണം (മെമ്പര്‍ഷിപ്പ് കാമ്പെയിന്‍) ജൂണ്‍ 15 ബുധനാഴ്ച ആരംഭിയ്ക്കും. കെ.പി.സി.സി.യുടെ കീഴില്‍ എല്ലാ പ്രവാസി കോണ്‍ഗ്രസ് പ്രവര്‍ത്തകരും ഒന്നിക്കുക എന്ന ആശയത്തിന്റെ അടിസ്ഥാനത്തില്‍ രൂപം നല്‍കിയ ഒ.ഐ.സി.സി ലോകം മുഴുവനും ശക്തി പ്രാപിച്ചുവരുന്ന ഈ സാഹചര്യത്തില്‍ യുകെയിലും അതിന്റെ പ്രവര്‍ത്തനം ആരംഭിച്ചുകഴിഞ്ഞു.
കെ.പി.സി.സിയുടെ ഏക അംഗീകാരമുള്ള സംഘടന ഒ.ഐ.സി.സി ആയിരിയ്ക്കും. ഇക്കഴിഞ്ഞ ഫെബ്രുവരിയില്‍ ദോഹയില്‍ നടന്ന ഒ.ഐ.സി.സി ഗ്ലോബല്‍ മീറ്റില്‍ കെ.പി.സി.സി പ്രസിഡന്റ് രമേശ് ചെന്നിത്തല ചുമതലപ്പെടുത്തിയ യുകെയിലെ കോര്‍ഡിനേഷന്‍ കമ്മറ്റി അംഗങ്ങളായ സുജു കെ ഡാനിയേല്‍, ഡോ.ജോഷി തെക്കേക്കുറ്റ്, റോബര്‍ട്ട് ഷിബു ഫെര്‍ണാണ്ടസ്, ലക്‌സണ്‍ ഫ്രാന്‍സിസ് കല്ലുമാടിയ്ക്കല്‍ എന്നിവരുടെ നേതൃത്വത്തിലാണ് അംഗത്വപ്രചാരണം ആരംഭിയ്ക്കുന്നത്.
ഒഐസിസി യുകെ ശക്തിപ്പെടുത്തുന്നതിന്റെ ഭാഗമായുള്ള പ്രവര്‍ത്തനത്തിന്റെ എല്ലാ ഉത്തരവാദിത്വങ്ങളും യുകെ കോര്‍ഡിനേഷന്‍ കമ്മറ്റിയ്ക്കും കെ.പി.സി.സിയ്ക്കും മാത്രമായിരിയ്ക്കും. ഒഐസിസി യൂറോപ്പ് കോര്‍ഡിനേറ്റര്‍ ജിന്‍സണ്‍ എഫ് വര്‍ഗീസ് പത്രക്കുറിപ്പിലൂടെ അറിയിച്ചതാണ് ഇക്കാര്യം.
എല്ലാ മുന്‍കാല കോണ്‍ഗ്രസ് പ്രവര്‍ത്തകരും ഒ.ഐ.സി.സിയില്‍ അംഗമായി കോണ്‍ഗ്രസ് പാര്‍ട്ടിയ്ക്ക് ശക്തി പകരണമെന്ന് വിനയപൂര്‍വം അഭ്യര്‍ത്ഥിയ്ക്കുന്നു. ഓണ്‍ലൈനില്‍ മെമ്പര്‍ഷിപ്പ് രജിസ്‌ട്രേഷന്‍ നടത്താനും, മെമ്പര്‍ഷിപ്പ് ഫോം ഡൗണ്‍ ലോഡ് ചെയ്ത് എടുക്കാനും വെബ്‌സൈറ്റില്‍ സൗകര്യം ഒരുക്കിയിട്ടുണ്ട്. www.oiccuk.org .
അംഗത്വപ്രചാരണം ഓഗസ്റ്റ് 30 ന് അവസാനിയ്ക്കും.
കൂടുതല്‍ വിവരങ്ങള്‍ക്ക് ബന്ധപ്പെടുക
സുജു കെ ഡാനിയല്‍ : 07553131967
ഡോ. ജോഷി തെക്കെക്കുട്ടു : 07737240192
റോബേര്‍ട്ട് ഷിബു ഫെര്‍ണാണ്ടസ് : 07723382716
ലക്ക്‌സണ്‍ ഫ്രാന്‍സിസ് കല്ലുമാടിക്കല്‍ : 07784272529
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല