ജോര്‍ജ് എടത്വാ
യുകെയിലെ മലയാളി കൂട്ടായ്മകളിലെ മുന്‍നിരയില്‍ നില്‍ക്കുന്ന ലെസ്റ്റര്‍ കേരള കമ്മ്യൂണിറ്റിയുടെ പത്താം വാര്‍ഷികത്തിന് ലെസ്റ്ററിലെ മലയാളി സമൂഹത്തിന് എല്‍കെസി സവിനയം സമര്‍പ്പിക്കുന്ന ദശവാര്‍ഷിക സമ്മാനമാണ് സൗമ്യ സംഗീതത്തിന്റെ അതുല്യ ഗായകന്‍ ജി വേണുഗോപാല്‍ നയിക്കുന്ന വേണുഗീതം മെഗാ ഷോ.
26ാം തിയതി ലെസ്റ്റര്‍ റൗണ്ട്ഹില് അക്കാദമിയില്‍ വൈകിട്ട് നാല് മണിക്ക് യുകെയിലെ വിവിധ കലാ രാഷ്ട്രീയ സംഘടനാ രംഗത്തെ പ്രമുഖരുടെ സാന്നിദ്ധ്യത്തില്‍ ലെസ്റ്റര്‍ കേരളാ കമ്മ്യൂണിറ്റിയുടെ പത്താം വാര്‍ഷികത്തിനും വേണുഗീതത്തിനും തിരിതെളിയും.
ലെസ്റ്റര്‍ കേരളാ കമ്മ്യൂണിറ്റിക്ക് വേണ്ടി പ്രശസ്ത ഗാനരചയിതാവും എല്‍കെസി വൈസ് പ്രസിഡന്റുമായ റോയി കാഞ്ഞിരത്താനം രചിച്ച് ജോജി കോട്ടയം സംഗീതം പകര്‍ന്ന് ജി വേണുഗോപാല്‍ ആലപിച്ച കലയുടെ കാഞ്ചനത്തേരില്‍ വന്നു കനകചിലങ്ക തന്‍ പൊന്‍വസന്തം എന്ന അവതരണഗാനം വേണുഗോപാല്‍ ലെസ്റ്ററിലെ മലയാളികള്‍ക്ക് സമര്‍പ്പിക്കുന്നു.
പത്താം വാര്‍ഷിക ചടങ്ങില്‍ എല്‍കെസിയുടെ പത്തു വര്‍ഷത്തെ സംഘടനാ നേതാക്കളെയും എല്‍കെസിയുടെ താങ്ങും തണലുമായി നിന്ന സ്‌പോണ്‍സര്‍മാരെയും ചടങ്ങില്‍ ആദരിക്കുന്നു.
വേണുഗീതം കോര്‍ഡിനേറ്റര്‍ അജയ് പെരുമ്പലത്ത്, പ്രസിഡന്റ് സോണി ജോര്‍ജ് സെക്രട്ടറി ജോര്‍ജ് എടത്വാ, ട്രഷറാര്‍ ഷിബുചാപ്പന്‍, വൈസ് പ്രസിഡന്റ് റോയി കാഞ്ഞിരത്താനം, ജോയിന്റ് സെക്രട്ടറി ബിന്‍സി ഷാജു, പിആര്‍ഒ അനീഷ് ജോണ്‍ എന്നിവരുടെ നേതൃത്വത്തില്‍ വിവിധ കമ്മറ്റികള്‍ പത്താം വാര്‍ഷികത്തിന്റെയും വേണു ഗീതത്തിന്റെയും വിജയത്തിനായി പ്രവര്‍ത്തിക്കുന്നു.
സോണി ജോര്‍ജ് 07877541649
ജോര്‍ജ് എടത്വാ 07809491206
അജയ് പെരുമ്പലത്ത് 07859320023
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല