സിജോ മാത്യു: കലാരത്‌നം ജയന്‍ മാഷ് മുഖ്യാഥിതിയായി പങ്കെടുത്ത എയില്‍സ്ബറി മലയാളി സമാജത്തിന്റെ ഈ വര്‍ഷത്തെ ഓണാഘോഷങ്ങള്‍ അവിസ്മരണീയമായി. കലാരത്‌നം ജയന്‍ മാഷ് തിരിതെളിച്ച് തുടക്കമിട്ട ആഘോഷ പരിപാടികള്‍ക്ക് കുട്ടികളുടേയും മുതിരന്നവരുടേയും വിവിധ കലാപരിപാടികള്‍ മാറ്റുകൂട്ടി.
തദവസരത്തില്‍ ജയന്‍ മാഷ് ആലപിച്ച ഗാനങ്ങള്‍ സദസിനെ ആനന്ദഭരിതമാക്കി. എയില്‍സ്ബറി മലയാളി സമാജത്തിന്റെ ഓണാഘോഷ പരിപാടികളില്‍ പങ്കെടുക്കാന്‍ പ്രശസ്ത സിനിമാതാരം മനോജ് കെ ജയന്റെ പത്‌നി ആശയും മകനും എത്തിച്ചേരുകയുണ്ടായി.
വിഭവ സമൃദ്ധമായ ഓണസദ്യയും കായിക മത്സരങ്ങളായ വടംവലിയും ഷോട്ട്പുട്ടും ആഘോഷപരിപാടികള്‍ക്ക് കൊഴുപ്പേകി. ഓണാഘോഷ പരിപാടികളോട് അനുബന്ധിച്ചു നടത്തപ്പെട്ട കലാ, കയിക മത്സരങ്ങളുടെ സമ്മാനദാന ചടങ്ങും ഈയവസരത്തില്‍ നടത്തപ്പെട്ടു.
സമാജത്തിന്റെ 2015 16 കാലയളവിലെ നവസാരഥികളായി താഴെ പറയുന്നവര്‍ തെരഞ്ഞെടുക്കപ്പെട്ടു.
പേട്രണ്‍: ജോസഫ് മാത്യു
പ്രസിഡന്റ് : സാബു പി ബേബി
സെക്രട്ടറി: ജസ്റ്റിന്‍ കോട്ടക്കല്‍
ട്രെഷറര്‍: സെവി വര്‍ഗീസ്
വൈസ് പ്രസിഡന്റ്: മഞ്ജു സജി
ജോയിന്റ് സെക്രട്ടറി: പ്രജിത് പുഷ്പാംഗദന്‍
പിആര്‍ഒ: ജോസഫ് കുരുവിള
ആര്‍ട്‌സ് കോര്‍ഡിനേറ്റര്‍മാര്‍: ഉഷാ മാനുവല്‍, ദീപ്തി സിജോ, ഡോണ സോജന്‍, രാജേഷ് രാജ്.
സ്‌പോര്‍ട്‌സ് കോര്‍ഡിനേറ്റര്‍: സെലസ്റ്റിന്‍ പാപ്പച്ചന്‍, ബൈജു എപി
സമാജത്തിന്റെ കഴിഞ്ഞ ഒരു വര്‍ഷത്തെ കാര്യപരിപാടികള്‍ വന്‍ വിജയമാക്കാന്‍ സഹായിച്ച എല്ലാം നല്ലവരായ അംഗങ്ങള്‍ക്കും മുന്‍ കമ്മിറ്റി അംഗങ്ങള്‍ പ്രത്യേക നന്ദി അറിയിക്കുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല