എ. പി. രാധാകൃഷ്ണന്‍: ലണ്ടന്‍ ഹിന്ദു ഐക്യവേദിയുടെ ഈ മാസത്തെ സത്സംഗം ശനിയാഴ്ച (31.10.2015) വൈകീട്ട് 5.30 മുതല്‍ പതിവ് വേദിയായ ക്രോയടനിലെ വെസ്റ്റ് ത്രോണ്‍ണ്ടന്‍ കമ്മ്യൂണിറ്റി സെന്റെര്‍ ഇല്‍ വെച്ച് നടത്തപ്പെടും. നവരാത്രിയുടെ ഭാഗമായി നടത്തുന്ന സത്സംഗം സംഗീതത്തിനും ദേവി സ്‌തോത്രങ്ങള്‍ക്കും പ്രാധാന്യം നല്‍കിയാണ് വിഭാവനം ചെയ്തിരിക്കുന്നത്. ഇത്തവണ ഏറ്റവും ആകര്‍ഷകമായ പരിപാടി കര്‍ണാടക സംഗീതത്തിന്റെ പിതാമഹാന്‍ ശ്രീ പുരന്ദര ദാസര്‍ക്ക് ആദരമായി കുട്ടികള്‍ അവതരിപ്പിക്കുന്ന ‘എന്തരോ മഹാനുബാവുലു’ നാടകം ആണ്.
കര്‍ണാടക സംഗീതം ഇന്ന് കാണുന്ന അഭ്യാസ രീതിയില്‍ ചിട്ടപെടുത്തിയ മഹാനുഭാവനാണ് ശ്രീ പുരന്ദരദാസര്‍. അപ്രതീഷിതമായി ഉണ്ടായ ഈശ്വര അനുഭവം വഴി വിരക്തനായി ശിഷ്ട കാലം സംഗീതോപസനയിലും ഈശ്വര ഭജനത്തിലും കഴിഞ്ഞ ശ്രീ പുരന്ദരദാസരുടെ ജീവിത കഥയെ ആസ്പദമാക്കിയാണ് നാടകം തയാറാക്കിയിരിക്കുന്നത്. നൂറ്റാണ്ടുകള്‍ക്ക് മുന്‍പുള്ള ഭാരതീയ സംസ്‌കാരവും ജീവിത രീതികളും പുതിയ തലമുറയ്ക്ക് കൂടുതല്‍ അടുത്തറിയുവാന്‍ വേണ്ടിയാണ് ഇത്തരം അവതരണങ്ങള്‍ നടത്തുന്നത് എന്ന് ഭാരവാഹികള്‍ പറഞ്ഞു.
ഭാരതത്തിന്റെ നന്മകള്‍ പുതിയ തലമുറയ്ക്ക് പകര്‍ന്നു കൊടുക്കുക എന്ന ലക്ഷ്യത്തില്‍ രാമായണ മാസത്തില്‍ അവതരിപ്പിച്ച ‘വിച്ചിന്നാഭിഷേകം’ എന്ന നാടകം വളരെയധികം പ്രേക്ഷകശ്രദ്ധ നേടിയിരുന്നു. പങ്കെടുക്കുന്നവരുടെ നിരന്തരമായ അഭ്യര്‍ഥനയും പ്രോത്സാഹനവും ആണ് വീണ്ടും കുട്ടികള്‍ക്കായി നാടകം തയാറാക്കാന്‍ ലണ്ടന്‍ ഹിന്ദു ഐക്യവേദിയെ പ്രേരിപിച്ചത്. സമൂഹത്തിലെ എല്ലാ വിഭാഗം ജനങ്ങളും പങ്കെടുത്തു ഈ മാസത്തെ സത്സഗവും പതിവുപോലെ ഭംഗിയാക്കണമെന്നു ഭാരവാഹികള്‍ പ്രത്യേകം അഭ്യര്തിച്ചു.
വേദിയുടെ വിലാസം: West Thornton Communtiy Cetnre, 735 London Road, Thornton Heath, Croydon CR7 6AU
കൂടുതല്‍ വിവരങ്ങള്‍ക്ക്
ഫോണ്‍: 07828137478, 07932635935
ഇമെയില്‍: londonhinduaikyavedi@gmail.com
ഫേസ്ബുക്ക്: www.facebook.com/londonhinduaikyavedi/
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല