ജിജോ അറയത്ത്: ഹേവാര്‍ഡ്‌സ് ഹീത്ത് ഫ്രണ്ട്‌സ് ഫാമിലി ക്ലബ്ബിന്റെ ക്രിസ്തുമസ് പുതുവത്സരാഘോഷങ്ങള്‍ 2016 ജനുവരി 2ന് ഉച്ച തിരിഞ്ഞ് 3 മണി മുതല്‍ മെത്തോഡിസ്റ്റ് പള്ളി ഹാളില്‍ വച്ച് നടത്തപ്പെടുന്നതാണ്. ആഘോഷപരിപാടികള്‍ ടൌണ്‍ മേയര്‍ സുജാന്‍ വിക്രമാരാച്ചി ഉത്ഘാടനം ചെയ്യും. ആഘോഷപരിപാടികള്‍ക്ക് തുടക്കം കുറിച്ചു കൊണ്ടുള്ള ക്രിസ്തുമസ് കരോള്‍ 2015 ഡിസംബര്‍ 19ന് ശനിയാഴ്ച ഉച്ച കഴിഞ്ഞ് 2.45 മുതല്‍ മുന്‍ പ്രസിഡന്റ് ബിജു പോത്താനിക്കാടിന്റെ വസതിയില്‍ വച്ചാരംഭിക്കുന്നതും വൈകീട്ട് ബേസില്‍ ബേബിയുടെ ഭവനത്തിലെത്തി അവസാനിക്കുന്നതുമാണ്. എഫ്.എഫ്.സി കുടുംബത്തിലെ ഏറ്റവും പ്രായം കുറഞ്ഞ അംഗമായ തീര്‍ത്ഥ ഹരികുമാറിനു ക്രിസ്തുമസ് പപ്പ സമ്മാനം നല്‍കിക്കൊണ്ട് കരോളിനു തുടക്കം കുറിക്കും. തുടര്‍ന്ന് ക്ലബ്ബിന്റെ പ്രഥമ പ്രസിഡന്റ് ജോഷി കുര്യാക്കോസ് മുന്‍കാല പ്രസിഡന്റുമാരായ ജോസ് ബിജു, ബിജു സെബാസ്റ്റ്യന്‍ തുടങ്ങിയവര്‍ക്ക് ക്ലബ്ബ് പുറത്തിറക്കുന്ന കലണ്ടറിന്റെ കോപ്പികള്‍ നല്‍കിക്കൊണ്ട് പ്രസ്തുത കലണ്ടറിന്റെ പ്രകാശനവും നടത്തുന്നതാണ്. ആഘോഷപരിപാടികള്‍ക്ക് ക്ലബ്ബ് പ്രസിഡന്റ് ജിജോ അരയത്ത്, സെക്രട്ടറി അരുണ്‍ മാത്യൂ, വൈസ് പ്രസിഡന്റ് ലോര്‍ഡ്‌സണ്‍, ട്രഷറര്‍ അനില്‍ ശിവന്‍, കമ്മിറ്റിയംഗങ്ങളായ ജോഷി പനമ്പേല്‍, സിജോയി സെബാസ്റ്റ്യന്‍, ഹരികുമാര്‍ ഗോപാലന്‍ നായര്‍, മുന്‍കാല ഭാരവാഹികളായ സദാനന്ദന്‍ ദിവാകരന്‍, ഷൈന്‍ ജോസഫ്, രാജു ലൂക്കോസ്, സജി ജോണ്‍, സാബു ജോണ്‍, വര്‍ഗീസ് ഇട്ടാര്‍, സണ്ണി ലൂക്കാ ഇടത്തില്‍, ഷിബു മാത്യൂ, അജിത്, ഗംഗാ പ്രസാദ് സി.ജി, ജിജോ ആന്‍ഡ്രൂസ്, അരുണ്‍ പീറ്റര്‍, എബ്രഹാം ജേക്കബ് തരകന്‍, നിക്‌സണ്‍, ഉണ്ണി പറമ്പില്‍ തുടങ്ങിയവര്‍ നേതൃത്വം നല്‍കും.
Thursday, November 28, 2024 01:03:46 AM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല