സ്വന്തം ലേഖകന്‍: നൈജീരിയയില്‍ വാതക ടാങ്കറിന് തീപിടിച്ചുണ്ടായ അപകടത്തില്‍ നൂറോളം പേര്‍ കൊല്ലപ്പെട്ടു, മരണ സംഖ്യ ഉയരാന്‍ സാധ്യത. നൈജീരിയയിലെ പ്രമുഖ വ്യവസായ നഗരമായ ന്യൂവിയിലാണ് അപകടം സംഭവിച്ചത്. നിരവധി പേര്‍ക്ക് ഗുരുതരമായി പരുക്കേറ്റതിനാല്‍ മരണസംഖ്യ ഇനിയും ഉയരാനാണ് സാധ്യതയെന്ന് നൈജീരിയന്‍ മാധ്യമങ്ങള്‍ റിപ്പോര്‍ട്ടു ചെയ്തു.
പാചകവാതകം നിറച്ച ടാങ്കറില്‍ നിന്ന് വാതകം ബാരലുകളിലേക്ക് നിറയ്ക്കുന്നതിനിടെ തീപിടിക്കുകയും ടാങ്കര്‍ പൊട്ടിത്തെറിക്കുകയുമായിരുന്നു. തീ വാതക പ്ലാന്റിലേക്കും പടര്‍ന്നതാണ് മരണ സംഖ്യ വര്‍ദ്ധിക്കാന്‍ കാരണമായത്.
പാചകവാതക സിലിണ്ടറുകള്‍ വാങ്ങാനെത്തിയ സാധാരണക്കാരാണ് കൊല്ലപെട്ടവരില്‍ ഭൂരിപക്ഷവും. ഫാക്ടറിയിലെ ജീവനക്കാരും പ്രദേശവാസികളും ദുരന്തത്തില്‍ കത്തിയമര്‍ന്നവരില്‍ ഉള്‍പ്പെടും. മരിച്ചവരിലും പരുക്കുപറ്റിയവരിലും ഇന്ത്യക്കാര്‍ ഉള്‍പ്പെട്ടില്ലെന്നാണ് പ്രാഥമിക വിവരം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല