സ്വന്തം ലേഖകന്‍: പ്രായപൂര്‍ത്തിയാകാത്ത പെണ്‍കുട്ടിയെ വൈദികന്‍ ലൈംഗികമായി പീഡിപ്പിച്ച കേസില്‍ വനിതാ ഡോക്ടറെയും പ്രതിചേര്‍ത്തു. പുത്തന്‍ വേലിക്കര സര്‍ക്കാര്‍ ആശുപത്രിയിലെ ഡോ അനിതയെയാണ് കേസില്‍ പ്രതി ചേര്‍ത്തത്. പീഡന വിവരം അറിഞ്ഞിട്ടും പോലീസിനെ വിവരം അറിയിക്കാത്തതാണ് ഡോക്ടര്‍ക്കെതിരെയുള്ള കുറ്റം.
സ്ത്രീകള്‍ക്കും കുട്ടികള്‍ക്കും എതിരെയുള്ള അതിക്രമങ്ങള്‍ തടയുന്നതിനായുള്ള നിയമത്തിലെ 19 മത്തെ വകുപ്പ് പ്രകാരമാണ് കേസ്. പുത്തന്‍ വേലിക്കര കുരിശിങ്കല്‍ ലൂര്‍ദ്ദ്മാതാ പള്ളി വികാരി ഫാ എഡ്വിന്‍ ഫിഗറസാണ് ഒമ്പതാം ക്ലാസ്സ് വിദ്യാര്‍ഥിനിയെ പള്ളിമേടയില്‍ വച്ച് ലൈംഗികമായി പീഡിപ്പിച്ചത്.
ഇതേതുടര്‍ന്ന് പെണ്‍കുട്ടിയുടെ അമ്മ പുത്തന്‍വേലിക്കര പോലീസില്‍ പരാതി നല്‍കുകയായിരുന്നു. കുര്‍ബാനയ്ക്കും മറ്റ് ആവശ്യങ്ങള്‍ക്കുമായി പള്ളിയില്‍ പോയിരുന്ന പെണ്‍കുട്ടിയെ ഇയാള്‍ അടുപ്പം കാണിച്ച് മേടയിലേക്ക് വിളിച്ചു വരുത്തി പീഡിപ്പിക്കുകയായിരുന്നു. പുറത്തു പറഞ്ഞാല്‍ കുടുംബത്തെ അടക്കം ഇല്ലാതാക്കുമെന്ന് ഭീഷണിപ്പെടുത്തിയതായും പരാതിയില്‍ പറയുന്നു. ജനുവരി മുതല്‍ മാര്‍ച്ചു വരെ ഇയാള്‍ തുടര്‍ച്ചയായി പീഡിപ്പിക്കുകയായിരുന്നു. വൈദികനെ ആലുവ പോലീസ് ഡിസംബര്‍ എട്ടിന് അറസ്റ്റു ചെയ്തു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല