ജോസ് കുര്യാക്കോസ്: യുകെയിലെ ആയിരക്കണക്കിന് കുടുംബങ്ങളുടെ കണ്ണീരൊപ്പാനും അനേകായിരം കുട്ടികളുടെ ഹൃദയത്തില്‍ വചനശക്തി നിറയുവാനും കര്‍ത്താവ് നല്കിയ ശുശ്രൂഷ സെക്കന്റ് സാറ്റര്‍ഡേ കണ്‍വന്‍ഷന്‍ ഈ ശനിയാഴ്ച ബഥേല്‍ സെന്ററില്‍ വച്ച് നടത്തപ്പെടും.
വിശ്വാസ തീര്‍ത്ഥാടനം പോലെ എല്ലാ വിഭാഗങ്ങളിലെയും ഉള്‍പ്പെട്ട സഭാമക്കള്‍ക്ക് ഒന്നിച്ചു ചേരുവാനും ദൈവ സന്നിധിയില്‍ 2015 ല്‍ കര്‍ത്താവ് ചൊരിഞ്ഞ നിരവധി നന്മകള്‍ക്ക് നന്ദി പറയുവാനും പുത്തന്‍ വര്‍ഷത്തെ കൂടുതല്‍ പ്രത്യാശയോടെയും സമര്‍പ്പണത്തോടെയും സ്വീകരിക്കുവാന്‍ ഈ കണ്‍വന്‍ഷന്‍ കാരണമാകും.
അത്ഭുതകരമായ നിരവധി സാക്ഷ്യങ്ങളാണ് ഡിസംബര്‍ മാസ കണ്‍വന്‍ഷനില്‍ പങ്കു വയ്ക്കപ്പെട്ടത് അടയാളങ്ങളിലൂടെയും അത്ഭുതങ്ങളിലൂടെയും മാനസാന്തരങ്ങളിലൂടെയും ഇന്നും ജീവിക്കുന്ന യേശുവിനെ രുചിച്ചറിയുവാന്‍ തലമുറകള്‍ക്ക് വിശ്വാസ കൈമാറ്റം നടത്തുവാന്‍ ഈ ദൈവവചന ശുശ്രൂഷയെ പരിശുദ്ധാത്മാവ് നയിക്കുന്നു.
ശുശ്രൂഷകളിലൂടെ ലഭിക്കുന്ന ആത്മീയ ചൈതന്യവും തീക്ഷണതയും ഇട വക സമൂഹങ്ങള്‍ക്കും ദേശങ്ങള്‍ക്കും നല്കി കൊണ്ട് നവീകരണ ശുശ്രൂഷയുടെ ശക്തമായ ആവശ്യകതയും പ്രാധാന്യവും വെളിപ്പെടുത്തുന്ന നൂറു കണക്കിന് കുടുംബങ്ങളുടെ സാക്ഷ്യ ജീവിതം സെക്കന്റ് സാറ്റര്‍ ഡേ കാലഘട്ടത്തിനു സമ്മാനിക്കുന്ന ദൈവീക നന്മയി മാറുന്നു.
ഫാ. സോകി ഓലിക്കലും റോമില്‍ ഉപരിപഠനം പൂര്‍ത്തിയായ ഡോ. ലാലു ഓലിക്കലും മലയാള ശുശ്രൂഷക്ക് നേതൃത്വം നല്‍കുമ്പോള്‍ യൂറോപ്പിലെ അറിയപ്പെടുന്ന വചന പ്രഘോഷകനായ, രോഗശാന്തി ശുശ്രൂഷകനുമായ ഫാ. പാറ്റ് കോളിന്‍സ് ഇംഗ്ലിഷ് ശുശ്രൂഷകള്‍ക്ക് നേതൃത്വം നല്കും.
ദൈവ സന്നിധിയിലേക്ക് കടന്നു പോയ അലന്റെ കുടുംബം നിത്യതയുടെ മഹത്വം ഏറ്റു പറഞ്ഞ് ശുശ്രൂഷകളുടെ ഭാഗമായി മാറും.
ദൈവകൃപയും നന്മകളും നിറഞ്ഞ അനുഗ്രഹദിനങ്ങള്‍ക്കായി കൈകള്‍ കോര്‍ക്കാം. ദൈവകാരുണ്യത്തിന്റെ തണലിലേക്ക് ഏവരെയും സ്വാഗതം ചെയ്യുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല