സാബു ചുണ്ടക്കാട്ടില്‍: ബോള്‍ട്ടണ്‍ സീറോ മലബാര്‍ കമ്യൂണിറ്റിയുടെ സണ്‍ഡേ സ്‌കൂള്‍ വാര്‍ഷികവും ഫാമിലി ഡേയും അടുത്ത ശനിയാഴ്ച നടക്കും. രാവിലെ ഒന്‍പതിന് ഔവര്‍ ലേഡി ഓഫ് ലൂര്‍ദ് ദേവാലയത്തില്
! സാല്‍ഫോര്‍ഡ് രൂപതാ സീറോ മലബാര്‍ ചാപ്ലൈന്‍ ഫാ. തോമസ് തൈക്കൂട്ടത്തിലിന്റെ കാര്‍മികത്വത്തില്‍ നടക്കുന്ന ദിവ്യബലിയോടെ പരിപാടികള്‍ക്ക് തുടക്കമാകും. തുടര്‍ന്ന് പാരിഷ് ഹാളില്‍ ചേരുന്ന സമ്മേളനത്തില്‍ ഫാ. തോമസ് തൈക്കൂട്ടത്തില്‍ അധ്യക്ഷതവഹിക്കും.
ഇടവക വികാരി മോണ്‍ ജോണ്‍ ഡെയില്‍ ആഘോഷ പരിപാടികള്‍ ഉദ്ഘാടനം ചെയ്ത് സന്ദേശം നല്‍കും. സണ്‍ഡേ സ്‌കൂള്‍ ഹെഡ്മാസ്റ്റര്‍ ഷെല്ലി എബ്രഹാം ഏവര്‍ക്കും സ്വാഗതം ആശംസിക്കും. ഇതേത്തുടര്‍ന്ന് കലാപരിപാടികള്‍ക്ക് തുടക്കമാകും.സണ്‍ഡേ സ്‌കൂള്‍ വിദ്യാര്‍ഥികള്‍ ക്ലാസ് അടിസ്ഥാനത്തില്‍ വിവിധ പരിപാടികളുമായി വേദിയില്‍ എത്തുമ്പോള്‍ ഇടവക ജനം ഫാമിലി യൂണിറ്റുകളുടെ കീഴില്‍ അണിനിരന്ന് മികച്ച പ്രകടനങ്ങളുമായി വേദിയില്‍ എത്തിച്ചേരും.
മാസങ്ങളായി നടന്നുവരുന്ന തീവ്രപരിശീലനത്തിനൊടുവിലാണ് പ്രതിഭകള്‍ വേദിയില്‍ എത്തുന്നത്. ട്രസ്റ്റിമാരായ ബേബി ലൂക്കോസ്, മാത്യു സെബാസ്റ്റിയന്‍ം പ്രോഗ്രാം കണ്‍വനര്‍ സെബാസ്റ്റിയന്‍ എന്നിവരുടെ നേതൃത്വത്തിലുള്ള കുട്ടികളാണ് പരിപാടികള്‍ അവതരിപ്പിക്കുന്നത്. കലാപരിപാടികളെ തുടര്‍ന്ന് സ്‌നേഹവിരുന്നോടെ പരിപാടികള്‍ സമാപിക്കും. പരിപാടികളില്‍ പങ്കെടുക്കുവാന്‍ ഏവരെയും ഫാ. തോമസ് തൈക്കൂട്ടത്തില്‍ സ്വാഗതം ചെയ്യുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല