അലക്‌സ് വര്‍ഗീസ്: പ്രശസ്ത വചന പ്രഘോഷകനും വാഗ്മിയുമായ റവ. ഡോ. ജോയി ചേറാടിയില്‍ നയിക്കുന്ന ദിവ്യകാരുണ്യ അധ്യാത്മിക വിശുദ്ധീകരണ ധ്യാനം ഈ വരുന്ന വെള്ളി, ശനി, ഞായര്‍ (4,5,6) ദിവസങ്ങളിലായി നടക്കുന്നതിനുള്ള ഓര്‍ക്കങ്ങള്‍ പൂര്‍ത്തിയായതായി കമ്മിറ്റി ഭാരവാഹികള്‍ അറിയിച്ചു. ലോങ്ങ്‌സൈറ്റ് സെന്റ്. ജോസഫ് ദേവാലയത്തിലാണ് ധ്യാനം നടക്കുക.
ധ്യാനം ആരംഭിക്കുന്ന വെള്ളിയാഴ്ച വൈകുന്നേരം 5 മണി മുതല്‍ 9 മണി വരെയും, ശനിയാഴ്ച രാവിലെ 10 മണി മുതല്‍ വൈകുന്നേരം 4 വരെയും, ഞായറാഴ്ച ഉച്ച തിരിഞ്ഞ് 2 മുതല്‍ 8 മണി വരെയുമാണ് ധ്യാനം ക്രമീകരിച്ചിരിക്കുന്നത്.
ധ്യാനം നടക്കുന്ന ദിവസങ്ങളില്‍ കുട്ടികള്‍ക്കായി പ്രത്യേക ധ്യാനവും ബൈബിള്‍ ക്ലാസും ഉണ്ടായിരിക്കും. ധ്യാന ദിവസങ്ങളില്‍ കുമ്പസാരത്തിനുള്ള സൗകര്യവും ഉണ്ടായിരിക്കും. വിശുദ്ധവാര തിരുക്കര്‍മ്മങ്ങളിലേക്ക് ഒരുങ്ങുന്ന നമുക്ക് അധ്യാത്മിക വിശുദ്ധീകരനത്തിനായി ലഭിച്ചിരിക്കുന്ന ഈ അവസരത്തിലേക്ക് ഏവരെയും ക്ഷണിച്ചു കൊള്ളുന്നു.
ലോങ്ങ് സൈറ്റ് സെന്റ്. ജോസഫ് ദേവാലയത്തില്‍ നടക്കുന്ന വിശുദ്ധവാര തിരുക്കര്‍മ്മങ്ങളുടെ സമയക്രമം ചുവടെ ചേര്‍ക്കുന്നു:
ഓശാന ഞായര്‍ 20.3.2016 ഞായര്‍ 4 ുാ കുരുത്തോല വെഞ്ചരിപ്പ് പ്രദക്ഷിണം, ദിവ്യബലി.
പെസഹാ വ്യാഴം 24.3.16 രാവിലെ പത്ത് മണിക്ക് കാല്‍ കഴുകല്‍ ശുശ്രൂഷ, ദിവ്യബലി.
ദുഃഖവെള്ളി 25.3.16 രാവിലെ പത്ത് മണിക്ക് ദിവ്യ ബലി, കുരിശിന്റെ വഴി.
ഉയിര്‍പ്പ് തിരുക്കര്‍മ്മങ്ങള്‍ 26.3.16 ശനിയാഴ്ച രാത്രി പത്ത് മണി മുതല്‍ ഉയിര്‍പ്പിന്റെ തിരുക്കര്‍മ്മങ്ങള്‍, ദിവ്യബലി
ധ്യാനത്തിനും വിശുദ്ധവാര തിരുക്കര്‍മ്മങ്ങളിലും പങ്കെടുക്കുവാന്‍ ഏവരേയും സാല്‍ഫോര്‍ഡ് രൂപതാ സീറോ മലബാര്‍ ചാപ്ലയിന്‍ റവ. ഫാ. തോമസ് തൈക്കൂട്ടത്തില്‍ സ്വാഗതം ചെയ്യുന്നു.
ദേവാലയത്തിന്റെ വിലാസം
സെന്റ് ജോസഫ ചര്‍ച്ച്, പോര്‍ട്ട്‌ലാന്‍ഡ് ക്രസന്റ്, ലോങ്ങ്‌സൈറ്റ്, മാഞ്ചസ്റ്റര്‍, M13 0BU
കൂടുതല്‍ വിവരങ്ങള്‍ക്ക്:
പോള്‍സണ്‍ തോട്ടപ്പള്ളി 07877687813
ജോര്‍ജ് മാത്യൂ 07525628006
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല